cadal d' à mon Noël
par minloute le, 29/09/2016nan là comme diro l aute, j pouro vous induire en erreur, bon d abord , cadal, bin sur comme auro dit min père, ch est le singuyier de cadeaux (mais qui prononçot "cadoxe") ........
mais Noel, ch'est pas l' fete d' la Noel que j' voulo parler, mais d à mon Noel, coiffeur pour hommes et femmes, rue Anatole France Bruay les berdoules 62
pi cor quand qu in dijo "Noel" fallo savoir d' qui qu in parlo, pasque dins ch' salon d' coiffure, y avo Noel et ...Noel
Noel "ch' viu", coiffo ché zhommes, as' vitesse, cigarette roulée collée au coin des' bouque, blouse d' couleur marron claire, in tergal, comme in dijo à l époque, et charentaisses vissés aux zortiaux ......
yavo aussi Noel "ch' jeune" , qui li s occupo d' ché femmes, là fallo pas et' pressé, i coiffo bin comme dijo m' mère, mais que longue preune, qu ale rajoutto à chaque coup qu ale arveno dech' salon , misenpli parfaite, caveux tenus par eune tonne d' laque ...
que dinch' salon i pourro pas y avoir eune mouque voler vu les pulvérisations de laque, dignes des trait'mints au flytox .....
les présentations sont faites ou arfaites, ch'est pas l' premier coup que j arpale du salon d' coiffure Noel ...
donc en fin d année, au salon d' coiffure, quand que t éto fait couper tes caveux, t avo dro à tin cadeau d' fin d année, ch'éto un tchiot calendrier d' l année qui arrivo, en un format qu in pouvo met' dins sin porte feule
mi j avo eu un coup un calendrier que sul' premiere pache ch'éto eune publicité "pento"
le pento, té metto cha dins tes caveux, bin si té sorto au soir, suffijo qui a un minimum d' leumiere pour que té caveaux i brilent .......
cha donno l impression que té les zavo trempés dins l huile del friteusse ....
pour ché femmes chéto plus raffiné, j' me souviens d un tchiot calendrier qu ale avo m'mère
sul' recto , chéto un bouquet d' fleurs d' déssiné, à l interieur t avo ch' calendrier et au recto t avo un mot du ginre "offert par vot' salon de coiffure Noel, rue Anatole France etc etc "
mais l' chic du chic, ch'éto que l' carte ale éto parfumée..... et j avo ker quand que m' mère ale ouvro sin porte feule, y a des coups j y d'mindo d' sortir ch' calendrier, et meme au fil des mos qui passotent, yavo toudis allez j' va m' lancer, la frangance dech' bouquet d' fleurs qui en emmano ...
j'ai bien connu noel chéto min coiffeur quand j'éto tiot, y avo pas incore el fils qui coiffo
ché dames chéto la gazette dinch salon in savo tout ce qui se passo din le quartier
noel père y doit étre mort et le fils est ce qu'il vit toudis??
Mi aussi j'ai connu les deux Noël, ch'est vrai que ch'père i étot toudis in charentaisses et avec sin clop à sin bec comme in dit, j'intinds cor ches ciseaux claquer juste avant d'attaquer l'coupe d'ches caveux et tous ches rasoirs et ches ustensiles argentés pou raser ches gins sus ch'marpe d'sous l'glace dû qu'in s'ravisot et chti avec eun' poire pou fréquir ches caveux, tout cha ch'est resté dins m'mémoire. Sacré Noël Père.
Sin garchon j'l'ai moins connu, li i s'occupot d'ches femmes.