n a pu grinmint ....

mi j' su né en 60, in a eu l' télévison en 68 ou 69


sans zet' nostalgique, ch'est évident que la télé " d avant" a pu grand cosse à vire avec la télé "d asteure" ........

in a connu des personnaches emblématiques de chte télé "d avant" comme Raymond Marcillac, Igor Barrère, Pierre Desgraupe, Pierre Lazareff, Jacques Antoine, et de ch' t époque là, sont pu grinmint en vie

reste pu asteure que Pierre Bellemare et Philippe Bouvard ..... sans parler de " l ovni" Michel Drucker, qui éto pas del meme génération mais qui a comminché dans la premiere partie des années 60

Pierre Tchierna, mi j a pas connu son "épopée" de quand qui travaillo au journal télévisé

nan mi j' la connu par l intermédiare de Monsieur Cinéma plus tard, quo que pour mi, Pierre Tchiernia ch'éto "l ami public numéro 1"

l ami public numéro 1, ch' éto l' nom d l émission qu in voyo eune fo par mo l' diminche ........

ch'éto eune émission d eune heure qui présento des extraits des flimes de walt dysney

faut imaginer, j' dis cha aux plus jones, qu à ch' t époque là, les dessins animés y en avo al' télé mais pas comme asteure, mais alors loin d' tout cha

in avo dro à des "flimes d animation" eune fo par jur, avant d aller s' couquer, ch'éto le manège enchanté, la maison de toutou, Aglaé et sidonie, colargol ou bin sur bonne nuit les petits .................

le samedi vers 19h ch'éto "histoires sans paroles" , des viux flimes du temps du muet

chaque diminche in avo dro à un flime d animation vers 17h , ch'éto souvint kiri le clown

et un peu plus tard, un vrai dessin animé, souvint un Popeye , ou un Woody wood packer ....

tout cha cha fait pas grinmint au total, faut dire que ch'éto cor l époque du que l après midi yavo pas d' programmes à la télé .........

quand que j éto tchiot, j' raviso ch' programme télé qui yavo dans la voix du nord du week end

et quand que ch'éto "l ami public numéro un", in avo dro à détal des zestraits qui zallotent passer

ch' jur là et la veille j' faijo attention de pas faire trop d' bétisses , pour pas in n'et' privé .......

Pierre Tchiernia ch'éto que le présentateur, mais i s y prenno tel' ment bien qu in avo l impression , que j avo l impression qui s adresso personel'mint à mi quand qui nous parlo

faut dire que les walt dysney, cendrillon, peter pan , blanche neiche et les zautes, j' avo ker raviser ché zextraits pasque j' pinso que jamais j' pourro les vire en intier ......

Pierre Tchiernia, chéto un peu comme un grand frère, un ami du père noel, quand qui nous dijo que ch'éto l' dernier extrait qui passo, j' éto tout triste

et in est grinmint j' pinse à avoir arsenti les memes sentimints, li parti, ch' est eune partie d' em' n infance qui s in va