cité 12 à Bruay
par minloute le, 13/10/2016pas facile d's' artrouver pour artrouver l adresse d' ché gins dans l' temps à bruay
avant, yavo pas d' nom à ché rues, et cha a été l objet d eune recherche qui m a pris un tchiot momint
ma matante, née en 1924 et grace à Dieu qui est cor là, pinso que m' mère éto née en 1920 rue de chatellerault
mi j avo bin le souvenir que m' mère ale dijo toudis quand qu in li pojo l' question qu ale éto née coron des veuves , rue de Commentry
pour ceusses qui connaissent te pas, ou qui s in souviennent te pu , la rue de Commentry ale existe cor, mais y a pu d' masons
chéto en bas d' la rue de Montataire, eune rue perpendiculaire à la rue Florent Evrard , adossée à la rue de Fourchambault , rue qui a aussi été en grante partie abattue, comme plus loin la rue du Creusot
chéto pas des grantes masons , vu que comme sin nom l indiquo, chéto l' coron des veuves, tchiotes masons avec si j' me souviens bien eune avinchée en briques , du qui yavo les cabinets d un coté et qu in rintro vraimint dins l' mason à droite, là yavo eune pieche séjour cuisine, pi eune champe et à l étache 2 tchiotes champes
j a ravisé ché photos que j avo dem' mère, photo durant ses premiers mos, ale est d' vant l' mason dans un landau, et pour mi cha pouvo corresponde à la rue de Commentry , et pas à la rue de chatellerault
alors j a ravisé l acte d' naissance d' em mère, là j a pas été grinmint avinché au premier coup pasque ch'éto marqué cité 12 numéro 37
alors j a été arquerre l encyclopédie d' bruay, ché liffes écrits par mr Toursel, ché 3 tomes qui détaillent vraimint bin l activité et le develop'mint d' la ville de 1870 à 1983
ch'est là que j a vu que le coron des veuves, la cité 12 a été comminchée en 1892 et qu ale désigno la rue de Commentry et la rue de Fourchambault
j éto djà rassuré mais j' trouvo pas quand qu ale avo été construite la rue de chatellerault, ch'est dans le second tome que j a trouvé la réponse
ale a été comminchée en 1916 et terminée en 1924 , 1916 cha auro pu coller au niveau des dates, mais la rue de chatellerault , comme la rue d Isbergues Montataire et pont à vendin, cha faijo partie d' la cité 27
mystére éclairci