Emile Desfachelles

Emile chéto l' voisin d' mes parents rue Leverrier, j' l a toudis connu
Emile y est décédé à l age de 98 ans lundi dernier, y a fini sin parcours à la mapad, i i éto arrivé y a pas longtimps, mais i éto djà bin las ......

Emile cha a été bien avant que cha so à la mote, un amoureux d' bruay
i avo des classeurs complets , que d' dins i avo collé tous les zartiques publiés dans la voix du nord ou ailleurs , tout c'qui avo trait à not'ville

j a dis bin avant que cha so à la mote, j' parle meme pas d' tous ses albums photos qui a pu faire, chéto un passionné d' la photographie par tous les temps et par toutes les saisons

André Paillart i avo été l' vire aussi et ch'est vrai qu Emile ch'éto eune des mémoires d' bruay

Emile chéto quéqu un d' très pieux, j allo dire un "pilier" de l église saint barbe, impliqué dans ché pélerinaches et dans ché réunions catholiques

j avo été l' vire à plusieurs reprisses, i m avo raconté son arrestation par les allemands durant la bataille de France en 1940

i éto dans un qu'min qui monto entre des hayures, cha tiro à droite et à gauche, i a eu un camarate à li qui a queu juste à coté d' li, i voulo s arreter mais sin sergent li a dit d' continuer, cha l avo meurtri et in haut du qu' min i s'sont fait arreter par les zallemands

i zavotent été stationnés à vézelize sous un panneau qui vanto la biere du coin

i m avo parlé aussi d' sin "séjour" comme prisonnier d' guerre, et i avo été profondémint touché à sin retour, i sont rintrés en 45, i pinso qui serotent accueillis à bras ouverts, ch'est à peine si in les considéro pas non pas comme des traitres, mais comme des gins qui avotent pas grinmint combattus et cha i l avo cor d' travers quequ' décennies après

quand in allo l' vire fallo avoir du temps .....ch'est sur qui raconto tout dans l' détail, mais j' l avo ker

très pieux j a dit , j' devro dire aussi très serviape, i avo été garde d honneur à lorette, i éto aussi visiteur dins ché prisons
i organiso aussi des quetes pour l' secours catholique

j' vous mets ci dessous sin faire part, pi comme j 'vous dijo qui faijo des photos par tous les temps et toutes les saisons, j' vous mets eune photo de la riviere lawe au cours d' l année

El photo le long de la Lawe ché juste à côté del passerelle du complexe grossemy.
Ech l'arbe magnifik, il a grossi depuis 1989. Il éto déjà là en 1954.
Il a tellement grossi qu'il est presque posé sur el rive d'in face et j'ai peur que si i s'affaisse, ses racines arrachent la berge haute juste derrière el salle des fêtes...... J'ai alerté mes gins à la mairie...
On a coupé quéques brankes, pour alléger le monstre mais il est toujours en place..

Bonsoir

Un petit rajout concernant Monsieur Emile DESFACHELLESet ses photos.
Tapez BRUAY EN ARTOIS au temps jadis N°1 ou Labuissière au temps jadis sur YouTube. Merci Monsieur DESFACHELLES pour ces diaporamas.