drapeau oranche partie 2
par minloute le, 20/11/2016in fait ch' déclic chéto min père, si i dijo qui allo tremper ses ortiaux, yavo pas fini s' phrase que j éto djà d'bout , qu au passache j avo j' té plein d' sape avec mes pieds .....
là m' mère ale pouvo rin dire, enfin cha l impecho pas d' soupirer un grand coup ...mais j éto djà arparti d' vant en éclaireur
malin que j éto , j éto parti avec min maillot d' bain , mais j avo gardé min tichorte sur min dos .....
sur ch' quemin qui meno à la mer, j' resto pas loin d' min pere quand meme, ouais fallo que j l amadoue, pasque eune fos arrivé à l io ....
eune fo arrivé à l io ,j l a trouvo super caute meme si chéto pas vrai, mais enfin vu qui yavo des vagues, této vite fraique, raison d' plus pour donner à min père min tichorte pour qui so pas mouillé , à mi après à rintrer dins l io
y a des coups fallo pas rester su plache, fallo s armuer sinan in avo vite fro, sans compter qu à ché momints là in avo dro à des puches d io , que chéto pas agréape , sans compter qui pouvo y avoir aussi d' tchiotes méduses , pasque ch' courant qui v'no du large i éto fort ......
et in armonto vite fait, in faijo aglaga tout l' long du qu' min du retour, as' deminder si y éto pas plus long au retour qu à l aller
alors j' vous dis pas quand que j arrivo du que m' mère ale éto assisse, am' donno l' serviette pour m essuyer, bin sur j m' eto du sape partout, min nez i guilo, j' faijo toudis aglagla ...
et pendant ch' temps là m' mère am' faijo, à nous faijo la leçon, que j allo et' malate , que de v'nir in vagances pour aller vire ch' méd'cin , que j éto sur au moins d avoir eune sacrée chiffernée , qui fallo rintrer tout d' suite (euh là j' dijo pas non)
mais savez, nous ché tchiots, in éto solite comme du roc et in tombo jamais malate, minquero pu qu' cha, malate à merlimont ....