Cavalcades
par loumarcel le, 27/12/2016Bonjour tertous,
i m’sempe qu’in in a jamais parlé ichi, mais qui s’souvient des cavalcades dins Bruay quand qu’i y avot un cirque qui y v’not et qu’i s’installot sus plache Marmottan.
Mi j’me souviens d’avoir vu des éléphants, des lions, des tigres dins des cages, des acrobates, des clowns etc... déchintent l’côte des Grands Bureaux in venant de l’rue d’la gare, is faisotent l’tour d’Bruay. Y in avot à pieds ou sus des remorques.
Après in pouvot aller vire tout l’ménag’rie installée à côté de ch’chapiteau. J’me rsouviens des cirques Pinder, Amar, p’tète d’aut’ mais j’min rappelle pus. Tout cha cha s’passot dins les années 50.
Minloute i dot pas s’in souv’nir.