fallo pas ete malate quand qu in éto viu
par minloute "artésien coeur fidèle" le, 11/11/2005j eume souviens del cousine à min père qui arrivo eune fo ale mason toute flappie
"oh j' su fatiguée odette,(odette ché m'mère , mi j'devo avoir à peine 10 ans à ch' momint là) j'su in route depuis ch'matin, j a été au dispensaire pour mes gampes , j' ma réveillé ch' matin, j avo m' gampe enflée , tenez ravisez cor comme ale est grosse m' chevile odette, j arrife au dispensaire, un monte ! dés qui zont ouvert l' porte ché gins i s'sont précipités à l intérieur pour mette leu carnet sul' tappe (bin ouais pasque l infirmière ale préno l' pile pi aprés ale l artourno et ché gins i passottent dans ch' torde là ) i avo bin eune quinzaine ed personnes avant mi, pi ch' docteur i a arrivé qu à 9 h et d'mie , bin j' su passée , i éto eune heure moins l' quart, zimaginez odette
bon i a ravisé m' gampe, ché un oedeme , ché del mauvaisse circulation, cha m etonne pas , ché pon la premiere fos , et aprés i fallo que j aille al' pharmacie mutualiste in bas d' bruay aprés l' lawe, mais vu l heure et qu' j avo pas mingé , j' su artourné am' mason, j a cor mingé vite pasque j eum douto qui auro du monte l aprés midi pour artirer ché médicamints
j arriffe là bo, un monte ! vous m' direz odette, chéto la plupart ed ché gins que j avo vu au matin au dispensaire , pi in ' n avo qui zavottent plusieurs carnets , i zétotent v'nus pour printe ché médicamints à eux pi à leu voisines ou à quéqu un del famile
pi in ozo pas s assire, vu qu in pouvo perte sin tour, i n avo dja qui s ingueulotent , pasqui na un qui voulo passer avant sin tour, bin j' su arsortie ed là à tro heures, et l' temps d armonter d' el pharmacie, me vlà , i m ont donné tout cha in médicamints et j va commincher min trait' mint s'soir , j' su flappie odette"