ch' maite Robitaillé
par minloute le, 08/01/2017pour mi l image d ' ché maites à l école, j' vo toudis Monsieur Wacheux et Monsieur Robitaillé
ch' éto mes zinstituteux en ce1 et ce2 à l école Loubet d' bruay les berdoules
d ailleurs j' vo pas pourquo j' précisse que ch'éto l école Loubet, mi quand que j y éto, j éto persuadé qu in éto les meilleux
et quand qu in nous parlo d' l école Marmottan , d' l école felix faure, d' l école basly, chéto comme chi in nous parlo d' écoles qui s' situotent su la lune, bin loin d' not' quartier ...
alors imaginez quand qu in nous parlo d Auchel ou d' Marles....
faut dire que quand in éto tchiot, cha grouillo d' partout à bruay, in parlo pas cor d' recession ou si in in parlo chéto pas pour tout d' suite , et y avo cor grinmint d' activité
j' me souviens qu à l intrée d' la ville yavo un grand panneau pas loin de ch' forgeron Foulon, pas loin du state d' labussiere, du que chéto marqué en grand, que bruay compto 33 000 habitants, asteure avec Labussiere, i sont 22 000 environ
mais arvenons à nos zinstituteux, ché maites Wacheux et Robitaillé, si j' devo les décrire comme cha d un trait
j 'diro
eune blouse en coton grisse, des maites qui étotent pas "sévères" mais "fermes" , mais avec l' plaiji aussi d' nous enseigner leur savoir
pour vous dire, in éto persuadés aussi d avoir ché meilleurs maites, que l' meilleur enseignemint d' la ville chéto ichi à l école Loubet que chéto donné .......
cha a pas toudis été facile, j a souffert avec Monsieur Robitaillé, j avo du maux à rente eune copie correcque, dans tous les sens du terme ...
m'mère ale désespèro que j avo du mau à résoude rapid'mint les additions, les soustractions et qu ale pinso que j' auro réussi à faire à peu près ché multiplications ou ché divisions quand que j' s'ro in ache d' faire min service militaire .......
d ailleurs rin qu à dire cha, y a des mots que chéto du grec pour mi qui arsortent, dividende, diviseur, quotient, reste ..... j arrete d in parler j' sins la migraine arvenir .....
Les années ont passé, j a arvu Monsieur Wacheux , et les circonstances d' la vie, m ont fait rencontrer à plusieurs reprises Monsieur Robitaillé , alors à la retraite
j y a dis ach' momint là, c' que j' vous dis aujourd hui, que j' l a armercié pour son enseignement, et qui sero pour toujours l image d' l instituteux idéal ..
la vie ale a passé, internet est arrivé, et j a eu l occasion d' li faire parvenir des feuillets d un d' mes cahiers de ce2
et à vire commint j teno (mal) min cahier, commint j éto pas bon à faire du dessin ou du calcul, j' y avo marqué que j y d'mindo dem' pardonner pour tous les soucis que j y avo donné quequ'zannées auparavant
cha fait un tchiot momint qui est décédé Monsieur Robitaillé, mais j a toudis un profond respect pour li , et pour le traval , verrez à la lecture d' min cahier, qu in devro parler même de sacerdoce .....
( 4 photos)