la même histoire version 2
par minloute le, 12/01/2017titre " ah fallait rin canger !"
l' repas d' la nouvelle année à mon dem' tante, chéto un rituel d' ché rituels
in metto ché pieds sous l' tape , in savo qu in allo djà à l avinche qu in allo avoir du bouillon, des crudités (cha chéto préparé par m' mère)...ensuite yauro la langue , avec les légueumes du bouillon et pi du riz , après in in preno chinq, l' temps d attaquer le gigot et ses musiciens , comme dijo l on' Octaffe .....
pi salate, fromaches, gatiaux , café et pousse café ...
fallo rin canger.. un coup , "pour canger" comme on dit, vla ti pas qu' em tante ,ale fait des cuisses d' garnoules ...
ch'est pour canger un peu qu ale a dit, tout l' monte y a trop rin dit, chéto plutôt éton'mint, certains demindotent douch' mint si in auro quand meme ché crudités ....
bin nan qu ale dit m' tante, chéto pour "canger" , mais vu l' réaction d' ché gins, pasque bin sur i n a vo toudis qui dijotent après ," les crudités ch est bin aussi" ..
cha voulo tout dire
in mingeo tout meme si chacun avo des préférences, m' grand mère chéto "LA LANGUE", zavez vu j a mis cha en majuscules, quand qu ale parlo d' cha, chéto comme ch' majordome qui annonce l' nom d' ché gins dans les grantes receptions ...
j avoue que longtimps j avo ker la langue et pas trop l' gigot , avec l age , j a appris à avoir ker les deux ...
le gigot chéto un gout à part, la langue , chéto un aspect quequ' fos moins joli, des fibes qui s' coinchotent d' dins les dints, mais ale vo d' quo attirer ché gins , rin que les sauces qu ale faijotent m' mère et ma mamatante
m' mère ale faijo eune sauce ravigotte, savez chte sauce froite aves des morciaux d œufs, des capres, persil, oignon , estragon ...
alors du coté d' ma matante i zavotent ker l' minger pasque m' tante ale in faijo jamais
et d' min coté, in connaisso l' sauce ravigotte , mais in avo cor plus ker la sauce tomate à ma matante
quand qu in li d'mindo sin secret , i n avo pas, ale avo l' meme arcette que celle d' not' mère, mais j' sais pas j' l a trouvo plus onctueusse , et j' em pourlequo sec en la mingeant
quite à pu voir ch' riz , tout arcouvert par chte sauce , un RE GAL
eune sauce tomate, souvint copiée , j allo dire jamais égalée, sauf que l' dernier coup que grand mère ale a décidé d in faire eune, alors soit ch'est l' coup d' chance du débutant, ou un talent caché ...
j' do avouer que j a artrouvé au moins sinon cor plus , l' gout d' la sauce tomate à mamatante .....
( 1 photos)