tin gardin
par minloute le, 18/01/2017sur que quand que t as vu tin gardin d in haut, cha a du t' armuer les tripes......
sur que t y as passé du temps, d abord quand que t avo cor la grante forme et que chéto cor en partie un potager
cor in partie, pasque t avo ker, et maman aussi, tout c'qui éto fleurs et arbustes fleuris
corete et pommier du japon, piones, groseilliers , tout cha cohabito avec ché routes d' carottes et d' porions ...
pi après cha a été trop dur, à fuir, à toudis artirer ché mauvaises herpes, alors t as mis bin plus d' fleurs
j a artrouvé des diapositiffes du qu in ce sero cru in hollante avec des tulipes, des muscaris, plein ch' gardin
après t allo mette des gaillardes, et plein d autes fleurs pour la fin du printemps et le début de l été
là , sul' photo, ch' gardin i éto à l abandon, ch'est là qu in vo que la nature ale est plus forte qu' nous
on pinse la dominer, la modeler à not' mesure, suffit d' queques temps sans entretien, sans vigilance, et rapid'mint ale arprind le dessus
faire ch' gardin chéto au d'sus des forches d' maman, pi autant ale avo ker y faire un tour, autant passer sin temps à l entretenir, chéto pas sa tasse d' thé
ale préféro s' cuisine et de loin .....
cor heureux, ch' gardin y a artrouvé eune meilleure allure pas trop longtimps après , eune fo qu in a proposé à maman quequ' un d sérieux
oh pas pour y cultiver des légueumes, nan, simplemint pour qui arsempe à c' qui éto avant .......
j cro bin en hommache à s' n' homme, combien d' coups j avo intindu " viens Odette, viens vire ch' gardin", i en éto tout fier
( 1 photos)