tem' rameneras du marché
par minloute le, 15/02/2017quand que min père allo au marché , chéto l' marché d' la place marmottan , i avo ker y aller pour faut l' dire s acater c' qui avo ker à minger
yavo d abord les incontournapes, in auro pas passé un samedi au soir ou un diminche au soir sans minger un morciau d' paté
alors des coups chéto l' paté d' foie , mais rin à vire avec l' paté d' foie d asteure que té croro que ch est tout juste bon pour ché tchiens ...
paté d' foie, mais aussi ché patés d' campane, ou cor miu ché patés d' viante
oh vinguette, que min père y a caché eune paire d' semaines pour trouver un bon rimplachant à mr Brillon qui teno eune tchiote charcuterie pas plus grante qu un mouchoir d' poche ,rue florent evrard ...
i l avo trouvé such' marché, i véno d' bourrecq et i dijo toudis qui avo acaté cha "chez bourrecq"
yavo pas qu' ché patés, yavo aussi l' saucisson frais, oh vinguette, j in mingero cor sul' tiete d un pouilleux, rin à vire avec un "saucisson à l ail" ...
sans parler du saucisson d' bidet, alors là avec mi, i fait pas la journée ...
min père avo ker aussi acater d' temps en temps, as'deminder mes gins s il le faijo pas d expres, d' avoir ker des produits que j' courro pas après quand que j éto tout tchiot
j' veux parler des tripes, et surtout des fameux pieds d' cochon, qui adoro minger en vinaigrette avec d' zéchalottes, que pindant bien longtimps j' a pas su apprécier l' fait d' devoir s' batte avec ch' pied, l' couenne, les oches, tout cha pour rogner par chi par là un bout d' viante souvint avec du gras
nan qui dijo min père ché pas du gras ch'est z'zarticulations , ch'est pas parel ...
ou alors i allo acater des harengs saurs quand que cha li prenno l invie au diminche matin , d' in faire arcuire , sur eune grille au d' sus dech' fourneau ...
que m' mère ale avo tout juste eu l' temps d arplier ché draps qui sécotent dans l' cuisine in ces jurs d' drache ...
mi j avo ker raviser ché papiers d emballaches des charcuteries, comme celle du qui yavo un cochon qui dijo du ginre, ah j' su contint d' finir en patés à mon chez untel ....
après c'qui éto légueumes, ouais cha li arrivo d in acater aussi, mais chéto surtout pour l' charcuterie, ché pichons , qui li allo
min père avo ker aussi acater des bonbons, ch'éto des mélanches, avec du zan, des krema batna, des michoko , des bonbons d' la pie qui cante ...
mais croyez pas que chéto eune partie d' plaiji d' aller au marché
chéto du temps du que toute l' place et ché zabords étotent rimplis d' commerce
que tout bruay y dévalo au marché l' vendredi matin, d ailleurs chéto qu un ballet incessant d' gins qui s' croisotent
c'qui fait qu' min père en rintrant i dijo qui avo vu untel, l' fils untel, chti qui éto marié avec eune fille untel ....
ou alors i dijo rin et i déballo ché cabas et yavo des oranches, et m' mère ale dijo j' t a pas dis t acater cha, et min père , avec un sourire d' coin qui dijo, j a rincontré Clara (s' fameusse cousine)
qui allo passer l après midi ( chéto sur qu ale allo cor ramener des fruits al' mason )
mais m' mère as' méfio quand meme quand min père i allo au marché ,chéto pas eune question d' confiance, mais ale connaisso l' maitresse d' min père
oh la la, quo que cha n' est que ch' t histoire là, mais nan mes gins , mais min père in auro pu dire qui avo eune maitresse , chéto le syndicat
alors , comme l' permanence du syndicat ale éto sul' plache marmottan, m'mère as' méfio des phrasses du ginre " euh j ' va passer al' permanence , j y apporte un papier et j' m in vais" ...........
ouais ouais , qu ale dijo, mais si té rintes en r'tard, mi j auro fait à minger, et j' t attinds pas
alors min père, et j' su un peu comme li d ailleurs, y rintro pas souvint en retard , pasque "i avo faim" ...
ché tchiens i font pas des cats ....
j' su ardéchindu ya djà un bon momint à bruay, et chéto jur d' marché, mon diu, fallo savoir que chéto l' marché, tro quates tchiotes allées, pas grant monte
la fin d eune époque