le tapioca
par minloute le, 17/02/2017j' vous vo djà attinte un sujet du ginre " ah le bon tapioca que m' mère" etc etc etc
l infance ch' est bien , ch'est le temps de l insouciance comme diro l aute, mais d un aut' coté, c' qu in t' présinto à minger, bin fallo l' minger ..
ch' est plus tard qu in va pouvoir dire, nan cha j in veux pas, et là in intindra d' la part des parents " té sais pas c' qui est bon" ou "goute quand meme " ....
plus jone in a dro à " t aura rin d aute à minger" ou alors dans l' ginre culpabilisant " in n'a dans l' monte qui ont rin à minger " ....
sur que ch'éto pas facile après cha d' pas in minger quand meme, "dis te qui ya bin d'zinfants qui meurent d' faim "....
bon
in in mingeot quand meme, du bout des léves ...... alors ch' tapioca, commint vous dire ...
m' mère ale in metto dins ch' bouillon quand qui avo 2 jours, pour l épaissir qu ale dijo, pour li donner du gout , aussi ....
ouais, bin beurk, mi quand que j' voyo arriver l' bouillon j éto contint, j éto persuadé que cha s'ro avec du vermicelle, bin nan , ch' coup chi ch'est tapioca
beurk ,rin qu ale raviser, in plus min frère i savo que j avo pas ker i in rajoutto, en s'raclant la gorge , et faire comme chi i allo sortir un gros mollard à cracher dinch' bouillon ...
là min père i ralo, i avo pas ker qu in s' moque d' la nourriture, malheur à chti qui oso commincher à faire des boulettes avec la mie du pain, tel faijo pas deux fos .....
alors min frère i dijo pu rin quequ' secontes, pi eune fo que j avo l' cuillère dins l' bouque i dijo , et chéto pas faux que cha arsemblo à des zoeufs d' garnoules, que j éto in train d' minger des futurs têtards ......
c'qui faijo tout autant raler min père, et si j' arposo l' cuillère bin ché mi qui m' faijo disputer ,et min frère i s in sorto par eune pirouette
ouais, l enfance ch'éto pas toudis aussi hydilique qu' cha ....