le drive
par minloute le, 19/02/2017asteure in jure pu que par cha, le drive
cha s' écrit "drive" mais cha s' prononce "dryve"
ch'est inglais, ou américain , comme mot à l origine
alors si j' devo réseumer cha, le "dryve" , comme i faut dire, ch'est quand que té vas acater quéquosse mais que au lieu d 'rintrer dinch' magasin , bin té restes dint' carette ..
au départ cha do venir d Amérique cha, souv'nez vous dins ché flims des années 50 , té voyo ché jones dins des lonques carettes qui n in finissotent pu , et qui allotent vire un flime avec leu pitite amie , dans des cinémas in plein air.....
pi zont adapté cha à comme i dissent , à la "restauration rapite" ....
après cha a arrivé en Europe bin plus tard, avec queques réticences, mais bon asteure , maquedonald et companie , j allo dire , hélas, ch' est rintré dans nos mœurs
qui qui n a pas été , j'diro presque sous la pression médiatique comme diro l aute, presque obligé d y aller, oh pas pour nouzautes....
mais allez passer d'vant ché magasins là du qui a des menus espéciaux pour ché jones sans vous y arrêter ...
qui qui n a pas connu la joie d' ses infants ou pitits infants, juste eune fo l' barrière d' péache franchie....
té lé acoutero ; faudro s arrêter sul' coté del route, pour commincher à minger , ou plutôt pour raviser quo qu' cha n' est comme cadeau qui y a dans leu boite en carton ....
(in peut que les comprinte vu qu in a fait parel, à not' époque, avec ché cadeaux dans la lessiffe bonux)
ch'est devenu asteure incontournape pour ché jones, et tous ceussent qui ont connu l arrivée d' ché chaines américaines dans les années 80
ouais faut pas oublier que maquedonald et companie cha fait pas si longtimps qu' cha que ch'est implanté en France
j' cro de mémoire qui sont arrivés en France fin des années 70, mais j' comprinds qu'à l échelle d' asteure , cha peut paraite du temps du moyen ache ...
y a tout qui s' accélère asteure ...
d' ailleurs ch'est pour cha qu' in a inventé cha, le monte i évolue tel'mint vite, tout y s accélère , tout y cange...
donc "pour gagner du temps" bin in a inventé le "dryve" ...pour nous in faire gagner ..
quo que , vous zallez m' dire, y a des coups quand que té vas au maquedonald, y a tel'mint la queue in carette, que t as quequ' fo intérêt à garer t' carette, à commander à l intérieur et à arsortir après
comme diro l aute ch'est l' cat qui s' mord la queue, et' dans eune file d'attente en carette, comme si in éto à pied ......
faut dire aussi, et ch'est vrai qu'en 50 ans tout y a cangé
avant ché femmes ale restotent pour la plupart al' mason pour s'occuper des zinfants, du ménache, des courses, etc ...
et ch'éto pas l' même rythme, in a tous connu nos mamans au matin nous conduire à l'école, pi eune fos ché jones déposés , partir in courses
et "courses" au pluriel, fallo aller chez l' boucher, l' boulanger, pi ch' marchand d' légueumes, pi l'épicier etc etc
que j'me souviens dem' mère, des jurs que j éto malate ou en vagances, s' léver, faire ch' pitit déjeuner, préparer ché légueumes, lancer ch' bouillon ...
printe sin mantiau, aller querre ch' pain, arvenir , écrémer ch' bouillon pi arpartir en courses , et armette ch' bouillon plus au cente du fourneau eune fo qu ale éto rintrée d' toutes ces courses .....