histoires-de-chtis® depuis le 20 février 2005

 

 

Les 60 dernières histoires


  le balto ou le marigny fin (22/04/2017)
  le balto ou le marigny (22/04/2017)
  pour ché polonais (22/04/2017)
  Langue, rollmops et oignons vinaigrés ! (21/04/2017)
  là ch'est pour les sensations fortes (20/04/2017)
  allez in faire minger asteure (19/04/2017)
  au matin (17/04/2017)
  prochaine série (13/04/2017)
  Min pépé à mi (06/04/2017)
  bientôt 3 ans ...... (26/03/2017)
  minloute au bordel (26/03/2017)
  faut ti in rire ou in braire (19/03/2017)
  Liévin, Cérémonie et commémoration du 16 Mars 1957 (17/03/2017)
  la p'tite clef du bonheur ... (09/03/2017)
  yoyo le deglingo (05/03/2017)
  Raymond KOPA (03/03/2017)
  Marinette (28/02/2017)
  j auro pas du aller rouvrir l' portal (26/02/2017)
  ch' mimosa (25/02/2017)
  mystère d' carte postale (22/02/2017)
  min grand onc' chauffeur d'ingénieur (21/02/2017)
  à vélo dins min quartier (20/02/2017)
  le drive 1 (19/02/2017)
  le drive (19/02/2017)
  cordonnier rue Anatole France (18/02/2017)
  le tapioca (17/02/2017)
  tem' rameneras du marché (15/02/2017)
  du rififi à l impasse Toupy fin (14/02/2017)
  du rififi à l impasse Toupy (13/02/2017)
  du pélican à la lessiveusse (12/02/2017)
  du créchon au bas nylon (11/02/2017)
  aut' moyens d' locomotion (10/02/2017)
  carettes d' la rue leverrier (09/02/2017)
  à l arriere de l ariane (08/02/2017)
  décés de monsieur Opigez (07/02/2017)
  si cha existe cor ... (04/02/2017)
  France 2 l'épopée des gueules noires (02/02/2017)
  cocorichti (30/01/2017)
  cuisine - du guinsse (30/01/2017)
  jacinthe (25/01/2017)
  sur les routes nationales fin (24/01/2017)
  su les routes nationales partie 2 (23/01/2017)
  décès de Mado Poquet (1) (22/01/2017)
  récitation fin (22/01/2017)
  su les routes nationales partie 1 (21/01/2017)
  décés de Mado Poquet (20/01/2017)
  récitation partie 2 (20/01/2017)
  récitation partie une (19/01/2017)
  tin gardin (18/01/2017)
  Magellan à cause d' ti (15/01/2017)
  à Monsieur Robitaillé (15/01/2017)
  la même histoire version 2 (12/01/2017)
  la même histoire version 1 (12/01/2017)
  ch' maite au traval partie 2 (10/01/2017)
  ch' maite au traval partie 1 (10/01/2017)
  Changement d'école (10/01/2017)
  Hiver d'antan (09/01/2017)
  Alfred Leroy (09/01/2017)
  ch' maite Robitaillé (08/01/2017)
  fautes d' français à l'Élysée (08/01/2017)

Vos histoires


Proposer un article

Livre d'or


Ecrire dans le livre d'or
Lire les messages du livre d'or

Derniers messages :


 mineur toujours ( 04/03/2017)
l'écomusée de Noyell...
 ch piou ( 20/01/2017)
Je vous écris ces qu...
 d. FREVILLE ( 05/01/2017)
je suis un ancien mi...
 Hervé62155 ( 22/12/2016)
Joyeux Noël et bonne...
 franed ( 16/12/2016)
Bonjour, site très i...


Liens
Histoires de chtis sur votre site
à vélo dins min quartier
par minloute le, 20/02/2017  

y a fallu un bon momint avant que m' mère al' m autorisse à rouler in dehors de la rue Leverrier
je pouvo pas dire que j in avo fait l' tour d' la rue Leverrier vu que chéto un cul d' sac , mais ale éto pas lonque non pu ...

et cor .. fallo que j' fasse demi tour bin avant d arriver au coin d' la rue nationale, vu qui yavo "ch'danger ambulant" qu ale dijo m'mère, chti qui habito dins l' rue et qu in intindo toudis ché pneus crisser au coin quand qui tourno ...

plusieurs coups j avo d'mindé am'mère pour sortir del rue, j' voulo arjointe mes camarates qui étotent basés rue raymond deruy
j allo pas leur dire que mmè'e ale voulo pas, alors j' dijo qu' min pneu y éto crévé, que j' devo aller par ichi ou par là
mais meme pour mi , j' commincho à enrager

lorque qu'mère ale m a autorisé, j in a été surpris mi même
bon y a fallu que j intinte les sempiternelles précautions , d' faire le "tchèque liste" comme in dit asteure
longer l' route nationale à pied, traverser l' route à pied du qui yavo ch' passage clouté pas loin d' chez Omer , et parel au retour

faut dire qui yavo grinmint d' trafic djà à l époque , et ptete plus qu asteure, sinon autant

j éto contint d déchinte rue Raymond Deruy, su min vélo, d un aut' coté , cha m' faijo drole d' sintir par momints des carettes rouler derrière mi , j avo pas l habitute ...

aune fo là bo, eune fos tous réunis, j a vu que j éto pas l' seul à avoir des, commint dire, des restrictions d' territoire pour rouler ...

in fait cha dépindo qui qui veno , y en avo deux , bin i zétotent limités à faire chtour , rue de Denain et rue Raymond Deruy

fallo l' monter la rue de Denain, ale paraisso pas si raite qu' cha, mais à forche del faire, t in avo les mollets qui brulotent

heureus'mint yavo la rue Raymond Deruy pour ardéchinte et s arposer un peu quo que, y en avo chéto des tietes brulées et i freinotent qu au dernier momint pour tourner à gauche juste avant d s ingager dans la rue Duquesnoy ...

in éto eune "équipe" un peu hétéroclite comme diro l aute, in vélos yavo d' tout ...

pour la plupart in utiliso des vélos qui étotent pas d' première main, ou plutôt d' premier derrière si j ' osero dire ...
souvint chéto l' vélo d un grand frère, vire d un père

bin sur y en avo un ou deux que chéto des bios vélos acatés in ville , des vélos dit "d'courses"

mi j in avo un , mais chéto l' vélo d' min frère et j avo pu d'dérailleur

mais i en avo que chéto des vélos "routiers" savez avec ché pneus un peu plus larches, l' selle rembourrée , et ché freins in forme d' cornes d' bœufs

yavo aussi un qui avo un "mini vélo" , avec ch' guidon qu in auro cru eune moto

et deux zautes qui avotent des vélos j allo dire d infants, enfin djà juste pour leur taille

après chéto des vélos "customisés" comme in dit asteure, avec des décalcomanies pour certains, des drapeaux pour z'zautes, et même des bouchons in plastique d' plusieurs couleurs coinchés dans les rayons, cha faijo bio quand que l' role ale tourno

même si yavo des "restrictions" pour rouler, cha nous arrivo cor souvint , eune fo armontés in haut d' la rue de Denain, d imbrayer rue de Châtellerault, d arvenir par la rue d' Béthisy et enfin , d' tourner à droite pour arprinte la rue Raymond Deruy

y a des coups , yavo ché viux su ché trottoirs qui nous dijotent " allez Merx" ou "va zy Ocana" .......

in déchindo rar'mint la rue de Montataire, vu que cha paraisso pour la plupart d' nouzautes comme si chéto un tremplin de ski , certains dijotent qui zavotent "pas d' freins" , d' autes, bin in éto pas cauds , in risquo eune sacrée gamelle si in queyo dins l' déchinte

y a des coups aussi, in s' permetto d' pousser jusqu à ché tchiotes masons du coron des veuves, rue de Commentry, rue de Fives , rue du Creusot

asteure de chte quartier là i reste pu grand cosse, j' cro que tout ya été abattu et arconstruit en partie

nous in roulo que dins not' quartier, limite chéto le dispensaire d' la belle au bois, c' qu in appelo la rue de la gendarmerie, enfin d' l ancienne gendarmerie, du qui yavo ch' pitit pont ...

mais in éto pas fous, in s arrêto juste avant, in armonto so par l' rue derrière le skating, ou par l'voyette qui yavo à coté d' la boucherie

et bin sur la ligne rouche , chéto pour tout l' monte la route nationale

pour ceux qui connaissent ch' quartier là, ch' est sur que chéto rar'mint plat, à part la rue d Isbergues, pasque même la rue d' Châtellerault t avo un tchiot faux plat

pour ceux qui connaissent ch' quartier là, i pourrotent dire que chéto pas si grand qu' cha , mais pour nouzautes , chéto djà grand , surtout qu in avo alors un sentimint d' liberté

après j' dis pas qu in a pas "fraudé" et qu in sauro quand même passé par ch' pont de ch'min d'fer, arjoint c h' viu Bruay , passé la Lawe , pi sous ch' pont coupe gorche, enfin pas loin du garache Lourme et arvenir par la belle au bois ..

mais acoutez cha a jamais filtré , in s a jamais fait disputé

par vauthier le, 20/02/2017

cha me rappelle que j'ai appris à faire du vélo avec min grand père sur el route d'Haillicourt, c'est chel qui parto des quatres chemins et qui allo à Haillicourt

in passant par el mont d'Hélin y avo pas grammin de voitures à cht'époque après quand j'ai bin su rouler avec min voisin Delvallé in a avalé des kilomètres in faiso le tour de France qu'in dijo in passant par el cote d'Olhain ché des souvenirs qui remontent


  ( 1 photos)  


Contact | ©2005 histoires-de-chtis®.com - Webmaster : Gold77 - CNIL : 1075910 - 17 visiteurs connectés - Qui est connecté ? |