pour ché polonais
par minloute le, 22/04/2017in face del mason, yavo eune famile d' origine polonaisse qu ale habito, ché parints , nés tous les deusses avant la guerre, étotent nés la bo
d ailleurs Madame, ale m avo raconté qu infant , ale avo subi les bombardemints et qu étant ach' momint là dins ché camps, ale s éto réfugiée sous s' brouette
i parlottent cor polonais, pasque "bouchi" , la grand mère, ale parlo toudis leu lanque natale
et comme jel dijo avant , quand que j allo chez eusses, et que j' voyo c' qui s' préparo à minger, que che so des plats ou des gatiaux, cha avo des noms bin compliqués pour mi, qui avo à peine 10 ans ach' momint là ....
j' me souviens d' ché gatiaux, vinguette, tin mingeo eune part et après fallo qué boiffe un coup d jus d oranche pour nous ché éfants, et eune tasse de café pour ché zadultes ...
j a l' souvenir d' grinmint d' fritures, et d' grinmint d' beignets, aussi bin in plat principal, mais aussi in gatiaux
là mes gins, et j armercie cor Marcel d'Somain, que j y "pique" amical'mint ses photos, avec sin accord cha va s in dire, là j' vous mets chi la photo de klouskis
alors quo ch' est qui a d'dins ?
Bin des pétotes , in in parle même pas , del farine, des zeufs, del farine , pi du lard et des oignons
in in fait des boulettes in met cha au four, pi in fait cuire ché cotes d' porc et té sers tout cha ensempe ...
( 1 photos)