Merlimont hors saison
par minloute le, 10/05/2017rin qu à écrire ch' tite là " Merlimont hors saison" que j intinds l' long souffe dem' mère quand que min père i "envisageo" qui fallo bientôt aller "faire un passache" à Merlimont
min père , finaud, i dijo , "faire un passache" , tout cha pour pas dire que ch éto d' passer un ouiquinte à la mer ...
pasque ouiquinte, cha veut dire partir d' el mason le samedi, et devoir dormir là bo , pour arvénir que l'lendemain après midi ....
ouais, pour em' mère , aller au "chalet" à merlimont ,eune journée chéto bin, mais quand qui fallo y passer la nuit, pi y faire l' cuisine cha li plaijo que moyen'mint , comme in pourro dire si in veut garder ché formes ...
"eune journée Léonce , cha devro suffire "..... qu ale dijo à min père, enfin ale tento l' coup, mais pour min père, aller à Merlimont , meme qu un ouiquinte ,chéto comme un avant gout des vagances ....
ouais min père officiel'mint , i voulo aller su la cote, pour vire commint que l' chalet i avo passé l hiver, si yavo pas des travaux à faire, ou tout au moins à anticiper
"eune journée cha devro suffire" ... mais tel' savo m'man , que papa i li faudro 2 jours , pasque i voudro aussi faire eune promenate à la mer ........... surtout qu au matin commint dire, in arrivo à Merlimont que vers 11 h , el' matinée ale éto djà presque finite .....
alors , rapid'mint, m'mère ale diso ouais pour deux jours MAIS i fallot qui fache bio
(pour min père "fache bio" ch est que du momint qui pleuffe pas à drache....)...
la suite d' main mes gins