j' fais m' b a
par minloute le, 14/05/2017ouais savez , comme ché scouts, qui devotent faire eune b a , eune bonne action par jour
là j avo comme i dissent dans ché émissions sur ché crimes, " j avo un fort passif"
ouais quand que j éto tchiot j adoro ché pionnes qui yavo dins ch' gardin
oh pas pour leu beauté, savez quand qu in est tchiot, la beauté d' ché fleurs cha saute pas al' guiffe comme in pourro dire ...
nan , l' pionne j' l avo ker , pasque si tel' cueuillo avant qu ale s' ouve, cha faijo comme eune boule, comme eune grenate si vous préférez ...
alors j in cueillo eune par chi , eune par là et j avo ker les lancer au loin dins ché gardins alentours
jusqu au jour, du que min père y avo eu plus que des doutes, en artrouvant eune , l'tiete coupée, dind 'rue , au pied du mur dech' gardin du voisin d in face ...
là commint vous dire, j a eu caud à mes fesses, et cha pas été qu eune expression
et l année derniere, dins min gardin, j a installé 2 pieds, cha a pas donné, j' les avo planté trop tard, mais ch' t année cha y est , cha donne
par conte , si in n a un qui asteure, y touchero, i auro caud à ses fesses ....
( 1 photos)