cha tourne à toute blinte
par minloute le, 20/05/2017Annie ale nous a cor mis un bio texte sur Histoires de chtis sur Facebook, un sujet concernant ché commerces d' not' infance
avec l' progrès à la vitesse que cha avinche , té passes vite pour un "dinosaure"
té racontes des souv'nirs à tes zinfants ou pitits zinfants, i vont avoir d' la peine à t'croire
j' me souviens que j avo immené m' file un coup dans eune boucherie, savez eune vraie boucherie , pas ché zétals d' grands magasins, pasqu ale avo jamais vu cha ..
mais j' va pas trop fanfaronner vu que j éto tout surpris d' lire que le mp3 cha allo et' abandonné , que cha faijo 30 ans que cha duro, et j' do avouer, que mi j a jamais utilisé cha...
ou comme auro dit richard virinque, " à l insu d' mon plein gré"
mais arvenons à ché magasins, sur qu in a tous connu "l épicerie du coin" , qu après chéto des chaines nationales comme spar, coop, monoprix etc qui les tenotent ...
la plupart des produits derriere ché comptoirs, fallo d' minder pour et' servi
nos mères ale zallotent cor faire ché courses au boulanger, à mon dech' boucher, à l épicerie, etc etc
après y a eu ch' boom dans les années 70 des supermarchés, j' me souviens d' l ouverture d à mon carrefour, qui cangero d enseine un peu plus tard pour que cha soit à mon cora ...
cha a été la fin des commerces dins ché villes ,tout l' monte i a fait la queue pour aller en périphérie faire ché courses, ch éto sacré, bien vu meme, d' y passer un bon momint ,d in sortir caddie plein après avoir fait grinmint la queue à ché caisses
in se d'mindo commint que cha allo cor évoluer, des magasins ouverts 7 jurs sur 7, 24 h sur 24h comme y peut in avoir aux zétats unis ...
bin sur que d un coté cha évolue un peu comme cha, vu qu asteure ché gins i veultent pu passer du temps dins ché magasins, alors in a créé les drive
té commandes, t arrive avec t' carette et on t ' carque l' carette
après l' évolution prochaine , cha va et' d' commander tes courses sur tin manicraque, pi après té va faire comme ché coulonneux, té va aller at'farniete pi té va attinte ..
nan cha s' ra pas un ojio qui va arriver, mais un drone avec tes courses d'dins
si si rigolez pas, cha peut arriver plus vite que vous pensez ..
mais y a cor des réglaches à faire, d abord ché zeufs ché cor trop fragile, té risque d avoir eune omelette à l arrivée, pi ch' bure, si y a été trop barloqué , in arrivant cha s' ra del crème ....
cha ch'est l' coté "progrès"
mais hier j' passo in carette devant ch' magasin leclerc, et j a pas pu m impecher d' tiquer quand que j a vu l affiche promo qui yavo en grand sul' grand route
alors i dissent que si té paie par chèque jusqu au 25 dech' mos chi, bin cha s'ra artiré qu à partir du 6 du prochain mo ...
pour mi cha sint pas tel'mint l' progrès cha, ou plutôt ch est un sine que beaucoup i ravissent quo , quoi et asteure quand qui zacatent
fins d' mos difficiles qui am'mote do et' arsintie par ché grands magasins ...
voyez in parle d' progrès mais on n' arvient un peu ach' type d' commerces qu in connaisso quand qu in éto tchiot, "mettez me cha sur m' n 'ardoisse" qui dijotent certaines personnes quand qui passotent en caisse ...
la boucle est bouclée