Merlimont infinqué
par minloute le, 11/06/2017tant qu in est sur Merlimont, un souvenir plus récent , datant des années 80, Merlimont Plache infinqué..........
ttout i s' "démocratiso" , et là, in a commincher à vire fleurir, nan l expression ale est pas bonne, in devro dire que cha a été la razzia pour ché barbecues ....
cqu in a eune location, eune mason à soi, qu in so en campine, le barbecue est devenu un élément indispensape au décor d' ché vacanciers
alors i n avo partout , j' me souviens qui y en avo meme dins ché courettes qui donnotent sur l arriere des villas , le long de l avenue de la plage
out l' monte avo sin barbecue, modele en fonte, avec 4 pieds démontapes .....
et du jur au lend'main tout l' monte i s a rué sur cha, dins ché grands magasins du coin, dins ché magasins d' souvenirs, tout l' monte avo s' palette d' carbon d' bo
pi tout l' monte i s a improvisé chef d' barbecue, j' vous dis pas l' nompe d' saucisses et d' merguesses calcinées, cuites trop prets du carbon ,et meme souvint "cuites" qui yavo cor des monceaux d' flamme ....
alors ,dins tout merlimont plache d' midi à miyeu d après midi, cha a comminché dins ché rues , a sintir plus la saucisse que l' creme solaire ....
i n a qui s étotent in plus lancés à faire cuire des sardines d' sur, alors j' vous dis pas , y a des momints dans la station balnéaire , cha teno plus du stand à barraque à frites, que d' aute cosse ..........