Merlimont hors saison 11
par minloute le, 02/07/2017après avoir passé les 2 viux courts d' tennis (qui existent pu d ailleurs , asteure tout y a été construit su la droite)
in arrivo au crois'mint avec la rue de brinville
là j avo ker aller vire la villa "nous quatre", pasqu ale avo et chéto unique sur merlimont, un escalier extérieur en colimaçon situé d'vant la mason
j arveno vite fait su l avenue des flandre, au delà des masons memes, yavo quequ' fos des tchiots détals que j avo ker aller raviser cor un coup, comme à la villa "chez mamy" qui avo , su la droite d' la porte d entrée, eune magnifique farniete faite in vitral ...
un peu plus loin , su la droite, ( j intinds cor m' mère dire sin nom "gai matin", chéto un nom quale avo ker)
et su la gauche au coin eune mason un peu spéciale, eune mason à toit plat, qui faijo l angle, et qui s appelo " l oasis"
j avo eu un coup la chance d' in vire l intérieur, l' porte ale éto ouverte et in voyo que cha donno sur un espéce d' patio intérieur du qui yavo plein d' plantes et d arbustes en fleurs
là su la gauche aussi eune mason qu ale m intrigo pasque j l a connu durant plus d' 20 ans en travaux, ou pour et' plus précis, ale avo été comminché ,mais ale avo été arrétée durant l' construction
ché briques creusses rouges sont restées bin 20 ans sans et' arcouvertes d un crépi, yauro djà fallu artirer ché étais tout rouillés qui étotent cor fixés à chaque perçache d' farnietes , d'dins in voyo eune viele bétonniere , enfin c' qui en resto ...
j' vous a dis que ché masons étotent pouvotent et' vraimint différentes les zeunes des zautes , pi y a des masons du que si té raviso bin té te dijo que l architecte i s éto vraimint amusé pour faire quéquosse d assez biscornu en fin d' compte
un des 2 exemples les plus frappants, chéto la villa située au coin de l avenue de flandre et de l avenue de londres
là in y trouvo presque tout c' qu in pouvo trouver en terme d architecture, farnietes en bow window, fenestrons, lucarnes, véranda, farnietes en sous sol, farniete en demi lunes, toiture à 2 pans, à 4 pans, brisis, que sais je encore ...
as' deminder si l architecte i voulo pas in faire eune mason témoin ...
chte mason in la connaisso bin pasqu in passo toudis devant, in s engageo dans l avenue de londres pour tourner ensuite à gauche tout d' suite dans l avenue du boulonnais
en tournant in passo devant la villa " les pingouins" , j' l avo ker aussi, sul' coté yavo eune lucarne ovale qui éto protégée par un ouvrage en feraille qui représentait bin sur un pingouin .....
in faijo un p'tit détour par l avenue du boulonnais ,pasque juste après la villa Pingouin, yavo des villas , j' pourro pas vous dire laquelle, mais mes parints i avotent été en vagances en location bin sur , au tout début des années 50
juste après in bifurquait su la gauche et on arveno avenue de flandres pour aller là directemint vers la plage ...