cha vient de Naxos
par minloute le, 22/07/2017ah ouais, j' vous vo commincher à busier ...
un indice, ch'est pour vous comprinte un mot qu ' vous intindotent quand que vous étiez tchiot et que so vous étiez sourds, so , plus graffe vous compreniez rin
j' do dire, que j' l a intindu eune paire d' coups ch' mot là, quand que , après que ch'maite, m' mère et pi surtout min père, i zéssayotent d' em faire comprinte ché fractions ...
dans l' meilleux des cas i dijotent " y rin à faire, cha rinte pas" mais plus souvint chéto " té bouché à l émeri ou quo ?"
bin mes gins, " l émeri", cha vient initial'mint de l ile de Naxos en Grèce
ch'est eune pierre d' couleur foncée , qu ale est extraite principal' mint de Turquie et de Grèce
mais à quo ale sert ?
J y arriffe ...
ch'est eune pierre qu ale est souvint réduite en faibe épaisseur, en poude même, et qu ale est grinmint abrasive ...
et quand qu in la mélangeo avec de l io, cha formo eune espèce d' pate, qu in s in servo ....pour boucher des bouteles
et chte fameusse poude d émeri ale permetto (si in éto optimiste) d' dire qu ale servo à étanchéifier d' manière très efficace ché bouteles
mais (au sens négatif) cha voulo dire aussi que chti qu in considéro comme "bouché à l émeri", so i éto sourd comme un pot....so i avo du mal al' compronette ......