Eune consultation al' champe
par clarinette61 le, 11/09/2017Ch'éto au début dché z'années 70, in resto à Billy-Montigny mais in dépindo d'un secteur médical ed Fouquières.
Pour aller al'champe, pas cor ed'carette, in marcho granmint.
In déboucho sul Nationale 43 par l'avenue de la Fosse 2. In tourno à gauche, pi in passo devint ch'cateau dech directeur des Mines. Pu loin, in passo sous ch'pont du Cocorico pi in tourno tut'suite à gauche.
Din l'première intersection, à droite ch'éto là qu'éto ch'dispensaire.
Eune fo,m'mère ale splaigno ach docteur que j'avo ché règues qu'étotent irrégulières.
I li fit : "Madâme, mes maîtres disaient : en matière de règles, l'irrégularité est la règle."
Et bim !
Question suivante ...
M'mère, such'quémin d'artour,ale braiyo pasque "ch'docteur i li avo mal parlé."
Ch'éto comme cha.