Bruay, El pont ferroviaire d'Lavolville
par jpp le, 11/09/2017chél lignes de c'min d'fer des Z houillères passotent tout partout in ville pour ammener ch'carbon des puits vers el réseau SNCF.
Et évidemment, les Z houillères faisotent des ponts à tirlarigo pour passer au dessus de ché routes; Cha devo couter miroule mais el puissance financière des Z houillères al arculo devant rien. Ché ponts, chéto toudis des ouvraches in briques.
A l'arrêt des mines, pratiquement tous ché ponts ont été abattus, passe que, souvint i z étotent trop étroits, et in d'ssous el route al n'avo pu qu'eune voie de circulation.
MAIS à Labuissière, din l'quartier de Lavolville, ech pont bien large il est toudis là, même si i n' sert pu à rien.
Chéto el pont del ligne qui veno des ateliers centraux du n°2, et de fait, el ligne, al relio fosse 4, vers fosse 1, vers fosse 2, et ensuite direction Gosnay.
Ch'pont de Lavolville i date de 1879, à in juger del date inscrite sur le haut, je n'l'ai jamais vu ette réparé et il est toudis un bon état....
mais i va peut ette disparaitre passe que din tout l'région in casse tout pour faire eune ligne de bus à grande vitesse (cha va nous permette d'arriver plus vite in retard).
( 2 photos)