examen de cathéchisme
par minloute le, 25/09/2017j' sais pu combien d' années in faijo catéchisme, j a busié, j' cro au moins trois ans, j a le souvenir d avoir eu l abbé Eripret j' cro bin , pi sœur Marthe, pi l' abbé Grard
cha s' déroulo dins un espéce de tchiot préfabriqué qui s'trouvo derriere le presbytère de la chapelle sainte barbe à bruay en artois
j a le souvenir d un "examen" que j avo du passer, fallo réviser c' qu in avo appris la premiere année
j avo révisé, chéto du sérieux, in attindo in groupe, enfin tout ceux d'la premiere année de cathéchisme , dans la cour, enfin entre la porte du presbytère et le "parvis" de la chapelle sainte barbe
in éto tous là, pas fiers, avec soit sin papa ou s' maman, mi chéto min papa
in éto pas fiers , pasque chéto l'premier coup qu in passo un examen ainsi
sur qu in connaisso tous les devoirs et meme les interrogations écrites, d abord, pi orales, les pires, ceusses qu in devo réciter s' leçon debout as' plache ou cor pire d aller l' dire au tableau , comme pour ché récitations ....
nan là chéto espécial, pasque in passo chacun sin tour, ch' l abbé i veno al' porte , i appelo un garchon (chéto forchémint un garchon pisque l' premier coup qu in pourra s assire à coté ou pas loin d eune garnoule, cha sera au collège en sixieme)...
donc l' abbé i veno al' porte i appelo un garchon par sin prénom, et i l immeno à l intérieur avec sin parent, et i arclaquo l' porte
pas rassurant mes gins, chéto un peu comme si t allo chez ch' médecin.....
in savo pas c' qui s' passo à l intérieur ....
bon à chaque coup , cha avo pas l air d's' ete pas mal passé, ché zéfants i zarsortotent avec un sourire jusqu aux zoreles ,mais quand meme , in in meno pas larche
ch' coup chéto min tour, cor plus angoissant, vu que j' passo dins ché derniers, yavo cor un camarate polonais que sin nom i commincho par W , mais min camarate Vaast , que j' connaisso aussi d' l école i veno d' sortir, ch éto min tour
oh savez eune fos assis al' tape, j a vu que chéto bin détendu, cor si j' devo cor m inquiéter , min père et ch' l abbé i s' connaissotent te bin, min père , un des "piliers de la chapelle sainte barpe"
cor que à l époque , yavo grinmint d'"piliers" vu que grinmint d' monte allo cor régulier'mint, j' devro dire plutôt chaque semaine , à la messe
ché questions mes gins , d eune simplicité... j a réussi cha haut la main
ch' éto qu eune formalité , mais voyez j' sais pas asteure si chéto un examen officiel ou pas