d' z'obus

nan mes gins j' va pas vous parler d' la premiere guerre mondiale , d' Lorette ou de Vimy...

nan, j' va vous parler d un sujet bin plus étonnant, bin plus énigmatique pour un garchon d' 8 ou 10 ans

cha va pététe vous porter à sourire, mais faut pas oublier qu à l époque, quand qu in éto à l école, in avo pas vraimint l occasion de côtoyer ché garnoules du meme ache, ou d' savoir commint qu ale zétotent faites sous leu jupes ou leur corsache...

ouais j' in vo sourire, mais savez y a moins d' cinquante ans, tout cha chéto tabou

mon diu, yavo eu une speakrine qu ale avo été renvoyée pasqu in avo vu sin g'nou quand qu ale avo croisé ses gampes , véridique mes gins

al' télé, dés qu in pouvo vire le bout, cor que le mot soit pas bin choisi, j' diro l ammorce du bout d un téton ou l' début du haut d un derriere , yavo ch' fameux carré blanc

ou plutôt rectangle blanc, qui figuro in bas du film, d ailleurs la speakrine quand qu ale présento le film, ale dijo un truc du ginre " ce film est déconseillé à nos jeunes amis "

mon dieu , quand qu in arvo asteure la série des "angelique" qui à l époque passo pour et' sulfureusse, asteure c'est pas si cha passero pas sur une chaine d' télé comme gulli

j exagère à peine, vu qu asteure, avec internet, et pi commint qu in pourro dire " l émancipation" , j' cro bin qu avant 10 ans i zont tous vu des scènes du que ché papas i font des bébés à ché mamans, ou tout au moins i s entrainent ....

sans parler des derrières et des gougouttes qu in vo dans grinmint d' publicités à la télé ...

nan , mi à l époque quand qu in voyo des flimes d' gangsters, savez du genre touchez pas au grisby, etc , yavo toudis des files avec des gougouttes, chéto comme des zobus

riez pas mes gins, cha m intriguo, pasque m' mère j' pouvo raviser sin corsache, cha pointo pas ainsi

direz alors, comme j' m a posé la question à l époque, ch'est que ch'est uniqu'mint les plus jeunes qu ale zont les gougouttes qu ale pointent ....

bin nan , pasque dans les memes films in in voyo qui portotent des ropes et cha pointo pas parel

alors savez cha m a grinmint intrigué, et quand que j a su la vérité, j a été décu..

in fait j auro bin aimé pas l' savoir, savez comme quand qu in conno le secret d un tour d' magie qu in compreno pas , et qu eune fo qu in a la solutio, ch'est l' cas del dire, toute la magie , ale qué d un coup

in fait, j' dis cha pour les éventuelles dernieres personnes qui ne connaissotent pas la raison, ch'est qu à l époque ché femmes , enfin certaines, portotent des soutiens gorche en forme d obus, alors sur que si ale zavotent djà au départ eune poitrine un peu forte, l' moins qu on puisse dire ch'est que cha assorto

à la reflexion, j' su géné d' avoir donné la solution, d' avoir dit la vérité, d avoir gommé d un coup ch' coté étrange et envoutant que cha pouvo apporter à certains ..

un peu comme si j' révélo que le père noel i existo pas

ci joint deux photos, mais que ceusses qui revent cor ravissent pas ...