la magie du taquin
par minloute le, 22/10/2017sur qu' asteure t offriro cha à un gamin, qui te ravisero d' travers , se d'mindant si té t'fous pas d' li, ou au pire i cachero du qui auro eune prisse usb ......
le taquin ou pousse pousse, chéto un tchiot jeu qui paraisso magique, fallo que té fasse glicher en montant , in déchindant , à gauche ou à droite, des tchiots carrés en plastique, imbriqués les zuns aux zautes
et cha l' plus rapid'mint possipe pour arriver à reconstituer l alphabet dans l' orde
pire qu' cha , magie supplémentaire, si d un coté t arrivo à recomposer l alphabet , d' l' aute , cha permetto d' faire eune suite d' chiffes
le taquin ,chéto pas trop compliqué quand que té commincho à in avoir un peu l habitute, cha s' jouo souvent à la fin, du qui fallo prévoir à l avanche dans quel orde t allo mette ché dernieres lettes , afin d' pouvoir finir sans zete obligé d' arbouger toute eune rangée d' pieches .....
y en avo de deux types, les plus solites, comme chti qui ya en photo, avec le tour avec des bords ronds, chéto ché meilleux
pasque i éto assez épais, et ché pieches assez épaisses, ché taquins comme cha té les zacato à mon dech' marchand, pour mi à mon d' chez Defernez rue anatole france
y en avo eune aut' sorte d' taquin, avec ché bords droits, et d eune moinde épaisseur
c' qui faijo que ché pieches as' bloquotent plus facil'mint et que dans l ensempe cha glicho moins bien
ceux lale, té les trouvo souvint en objet publicitaire, dins ché barils d' persil , j' parle d' la marque d' lessiffe, ou alors in cadeau bonux
et comme mi j éto "plutot" du genre brizaque, ceux lale i durotent pas longtimps, j'm artrouvo souvint d' lèque, à avoir voulu trop forché et là d un coup, té t artrouvo tout bete, avec ch' cadre dins les mains ,et toutes ché pieches disséminées dins l' pieche
et bin sur m' mere qui m'dijo d' tout ramasser , d' pas in oublier , pasque i fallo pas qu in gliche d' sur, que j avo deux mains gauches, que j'casso tout etc etc etc ...
Minloute té viens m'apprinte quiquosse, j'savos pon qu'cha s'appelot un Taquin, in n'apprint à tout ache hein!
( 1 photos)