le velours de l estomaque
par minloute le, 24/10/2017ch'éto dans les années 60, le vin avo cor très bonne réputation, meme ch' gros rouche comme in dijo à l époque
cor que certaines marques ont voulu améliorer leur imache, j' me souviens de préfontaines, préfontaines je boirais ton vin car il est le meilleur
ya meme eu margnat villache , un bio nom pour nous faire accroire que chéto du vin produit local'mint, j allo dire à l ancienne , alors que chéto du vin qu in pourro qualifier d industriel
ch' éto l époque du que ch' vin du languedoc i éto de piètre qualité, et qui servo principal'mint à "alimenter" les foyers français en kil d' rouche pour la consommation courante....
i n a un qui avo su bin s' faire vire d' ché ménagères, et savez cor asteure, cor plus vrai à l époque, tout c'qui tourno autour des courses chéto l affaire d' ché femmes ....
alors pour séduire ché consommatrices, ou plutot celles qui décidotent quo qui fallo acater, la marque "vin des rochers" in avo fait sa cible prinncipale
le vin des rochers et son slogan "le velours de l estomac", bon chéto un peu exagéré, cha avo rin à vire avec un vin produit dans eune propriété ...
mais i z ont eu eune botte secrete, eune idée d' génie , qui a fait qu' leurs vintes ale zont sacrémint progréssé
ch'est le cadeau publicitaire ...
et y éto bio mes gins, bin ciblé pour ché garnoules, chéto des services d' tapes, nappes et serviettes de style vichy
cha cangeo dins ché cuisines , cha faijo plus jeune que d' avoir eune toile cirée comme cha sul' tape du qu in mingeo, cha n impécho pas qu ale y éto la toile cirée mais arcouverte par la nappe en coton de style vichy
yavo trois couleurs , la rouche , la plus courante, mais ya eu aussi aprés, en vert et meme en jaune
eune nappe et des serviettes assortis, pour égayer s' n intérieur, quelle belle idée
bon pour cha , comme diro l aute "à vos gosiers" , bin ouais pasqu i fallo boire du vin des rochers
boire patiemment, pasqu i fallo accumuler des points pour obtenir ch' service là
commint que cha s' passo, chéto simpe, la boutele de vin des rochers, boutele en verre avec autour du goulot des étoiles dins l' verre
cha voulo dire qui fallo pas j'ter l' boutele, pasque ale avo été consignée, et si tel' rameno pas bin t avo perdu des sous
bouchon in plastique , et such' bouchon "un point" , rond in papier collé d' sus ch' fameux bouchon , et tout cha arcouvert par eune collerette en alu très fin, que d' su éto estampillé la fameuse marriane
nous al' mason in avo eu l' service d' tape de couleur rouche, cha faijo plus jeune, chéto un ensempe coordonné
et pi , tout comme ch' vin là, ch'est tombé en désuétute
mais savez , tout est un éternel recommencement , et ch est déjà arvenu à la mote y a queques temps
Bonsoir mes gins
Y'avot aussi el vin Rubial. Y'éto mis in boutelle à AUCHY LES MINES à ch'rond point.
Sur Google Maps si té y vas d'sus té verras quand y'a cor ch'l'usine pi si té fais l'tour d'ech rond point té l'verras abattu.
Chéto el société des pinards "ARDIVIN fermée in 2005 qui mettot "l'gros cul" in boutelle.
Jusqu'à preuve du contraire ben sur.
( 1 photos)