mets tes basquettes
par minloute le, 29/10/2017ya pas si longtimps qu' cha, les chaussures de sport cha s acato pour faire du sport
zallez dire que j infonce des portes et des farnietes ouvertes, mais y a des zétutes d' comportemint comme dissent , qui ont été faites et asteure y a grinmint d' godasses de sport qui sont acatées, et qui serviront jamais à courir ou as' dépenser
mais dans les années 60, cha a comminché duch'mint tout duch'mint à canger, j a l' souvenir qu in a comminché à porter des basquettes meme pour aller à l école
cha n avo rin à vire avec c' qu on porte asteure, meme si ya des modèles d' l époque qui arsortent , ch'est toudis un phénomene de mode , un éternel recomminch'mint , ardonner aux anciens, d' arporter des chosses qui portotent quand qui zétotent jones ...
les basquettes d' l époque, ale zétotent en espéce d' toile , que cha monto jusqu in haut des ch'villes , tout cha sur eune semelle in caoutchouc d' couleur beige
in éto contint d' les porter, j' m in souviens bin, j' veillo bin à c' que mes cheviles, alos so bin à l emplacement qui yavo un rond ' d' protection sur la toile extérieure ....
in crano avec ché basquettes aux pieds, cha faijo dins l' coup
alors yavo des inconvénients dirottent certains, comme la transpiration
sur que la toile des chaussures ale facilito pas l aération des zortiaux
j in a un "souvenir imémorape" , j avo un camarate qui commint dire, s exprimo autant avec s' bouque qu avec ses pieds .... et quand qui metto ses basquettes , j' vous raconte pas , in l appelo roquefort ...
d autes i vous diront, mais sul' coté y a des tchiots trous pour justemint faciliter l aération
ouais ouais, mais ch zodeurs ale sortotent aussi par ché trous là ....
ché trous d aération ale zavotent un défaut aussi, d ailleurs j' diro que d eune façon générale , fallo pas les porter quand qui pleuvo
d abord , fallo éviter ché flaques, pasque par ché trous, bin l io ale rintro directemint ...
mais meme quand qui pleuvo, cha trempo tout d' suite la toile des chaussures ...
Ouais et à ch't"heure in appelle cha des "converses"
( 1 photos)