pour la soif ....
par minloute le, 08/11/2017école Loubet, fin des cours, enfin ch'est pas pour cha qu in rintro chez nous , chéto la récréation avec l heure d étute
in avo djà eu eune premiere récréation vers 15h30 , celle ci , la seconte chéto celle d'avant 17 h
la récréation du que tout l' monte sorto s' malette, cousue par ché mamans, souvint dins des bouts d'tissus qui restotent, tout cha arsérré par un lacet , de couleur blanche, qui in assuro la fermeture
à ch'te récréation, in sorto sin gouter, j' devro dire ses tartines, pasque à ch' t époque là fin des années 60, in in éto cor loin des gatiaux individuels
nan, et d ailleurs ch éto certain'mint plus sain, ch éto bin souvint 2 tartines que d'dins yavo des barres de chocolat, pour ma part en prevenance du magasin Coop, situé rue Anatole France .....
sans oublier LA gourde, mon dieu, qu in éto contint d'sortir sa gourde, in éto meme jaloux , in tout cas , ch'éto min cas, d' vire certains qui in avotent eune qu ale pouvo s' mette in bandouyère
m' mère ale a jamais voulu min acater eune, meme qu un coup que j y in réclamo eune , j avo dit que ch'éto meilleu conte la soif si j avo eune gourte comme cha
mon diu qu in est pret à dire des cacoules plus grosses qu in est , mais m'mère ale a jamais cédé
j avo toudis espoir quand , avant l'comminch'mint de l école, j allo avec elle à mon Defernez, bonneterie et artiques funéraires rue anatole france ....
j avo espoir quand qu in rintro, et qu in les voyo toutes, accrochées les eunes in d'sous des zautes, mais j a toudis eu drot au meme modèle , le plus simpe, chti qu in vo à droite su la photo ...
savez ch' modèle d un plastique mat, que yavo des tout tchiots picots pour in améliorer la préhension (vinguette comme j' parle bin )
après meme si à l école in avo à peu près le meme contenant, in avo pas forchémint le meme contenu, de l io pour certains, mais souvint tout ché chéto plutot coloré grace à des sirops
trois couleurs qui arvenotent toudis, le vert du sirop de menthe, le jaune du citron et le rouche (beurk) d' la grenadine ....
cha y est cha va et' la fin del récréation, ché maites qui étotent à discuter insempe au miyeu del cour, vont bientot se séparer, j' vo ch' maite Mayeux qui va mette, cha y est i le met sin sifflet as' bouque
ch'est la fin , on s argroupe par classes devant les différentes entrées du batimint
in va s aligner, ch' mait'Pruvost, comme i vo qu in met un peu d' temps pour s' mette en rang, i print sin ton d adjudant ..
et là , autant en classe i nous parlo francais, et j' a meme l' souvenir qui reprenno ché zéleves qui employent des mots ou des expressions d' chez nous, là i nous parlo patois
i dijo " bras tendus, fixe , revenez , fixe", là mes gins fallo qu'cha claque , pi qui entente qu un seul bruit sinon in avo dro à
"on va recommencer, et pi saquez bandes d' briles" ......
dans ché rangs , enfin le silence, tous alignés, in sinto par l haleine, l odeur des oranches ou des mandarines qui venotent d'ete mingées ......
y a des coups i ralo sec, i nous dijo " bandes d' fates, vous etes les derniers à rintrer en classe, s'rez les derniers à sortir"
pourtant au fond, avec du recul, i éto pas si méchant qu' cha ch' maite Pruvost
mais ale mason, j' va pas dire qu' min père i l avo pas ker, mais i avo été "surpris"
surpris quand qu un coup en rentrant de l école j avo d'mindé quo que chéto eune brile , cha i me l avo dit mais quand j avo précisé que chéto ch'maite qui dijo cha , cha l avo fait "tiquer"
pourtant, au fond, avec du recul, ch' maite Pruvost, ch'éto loin d ete l 'dernier pour l enseignement
Minloute, j'ai eu l'minme avec un bouchon rouch' aussi, mi ch'étot rouch' et min frère ch'étot vert ou bleu mais ch'étot pus tard, j'cros qu'in l'a jamais eu pou aller à l'école, à l'récré in buvot à ch'robinet du lavabo in d'sous du préau.
( 1 photos)