cor un coup du qui vaut miux fermer s' bouque

toudis au collège Rostand, à Bruay, toudis en classe de cinquième
j' me souviens cor bin d' la classe, quand t arrivo dans le hall, té tourno à gauche, et eune fo dans le grand couloir , té monto ché étaches, jusqu au second

et , eune fo arrivé sul' dernier palier, en face , t avo deux tchiotes classes, plutot réservées au départ pour travailler en groupe, souvent pour les langues, anglais allemand ou latin même

professeur ch' jur là, Madame Heringuel, eune toute tchiote dame, toute maigue ...

nous en cinquième, savez commint qui sont ché jones, et cor in éto cor bin polis, mais ch' est vrai qu in s' moquo d' ses tenues, un peu vieux jeu (chéto pas l' cas d autes professeurs qu in avo l'lanque qu ale pindo sul' tape ...)

mais Madame Heringuel, ale avo eune voix très espéciale, commint vous dire, nazillarte et assez forte , cha pourro bin la définir

j' me souviens de chte cours là, j a oublié d' vous dire qu ale éto professeur d histoire

et qu ale avo vraimint ker sin métier et ale faijo tout pour qu in artienne nos leçons, j' me souviens cor d eune série de cours qu ale avo fait sur l histoire du Pas de Calais au temps des gaulois et jusqu au moyen ache

et qu in coup in s éto fait ingueuler, j' cro plus que ch éto par eton'mint, qu in savo pas à nos zaches à quoi éto rattaché le site de Vimy ...

in plus d' et' not'professeur d histoire, chéto aussi ch' t année là , not' professeur principal

fin des cours, toudis dins chte tchiote salle de classe, avec ché méneux derrière, fin du cours, et ale nous dit d' printe not' cahier de correspondance, pasqu in devo y mette un mot qui devro bin sur et'signé par ché parints

en fait , j' vous l' dit "en français" , le vendredi suivant in restero à la maison, ché cours étotent pas assurés

vous dire pour quelle raison, j m in souviens pu , mais j' l intind cor nous expliquer cha

vous imaginez qu ach' momint là, y a eu un mouv'mint d euphorie dans la classe et ch éto compréhensipe ...

ale obtient le silence , et ale nous fait arcopier un texte qu ale nous dicte, mais pour l' malheur , ch' texte i pouvo que faire réagir certains

grand silence , tout l' monte y note, et vlà madame Héringuel, qui nous dit que "suite à ...(j sais pu quo) les cours vaqueront ce vendredi"

"vaqueront" que voulez vous, i n avo grinmint d' nouzautes qui parlotent ch' patois, et faut dire pas un qui savo c' que voulo dire vraimint "vaquer"

bon , dinch' fond i n a un qui a fait "meuh" que cha a fait rigoler toute la classe

et madame Heringuel, ale a puni tout ch' dernier rang, ale savo que cha veno d' là bas, mais sans savoir qui chéto en particulier, bin ché quat' du fond i zont eu dro aussi à 2 heures de colle..