la roue tourne
par minloute le, 23/12/2017y a bin d'zannées asteure, quand qu in armonto dinch' nord, en venant d' la région parisienne, quo que j éto contint d' vire d ' abord ch' panneau su l autoroute qui nous dijo qu in rintro dans le pays civilisé , ouais chéto marqué qu in rintro dans le nord pas de calais
que j éto contint d' quitter l autoroute qui filo vers Lille, pour printe la bretelle qui nous faijo arjointe l autoroute des inglais, celle qui mene à Calais
djà ch' premier panneau , du que d' sur chéto marqué Noeux et Béthune avec ché kilometes qui restent à faire
in avo quitté le morne plateau vinteux d artois, pour s' diriger enfin vers chez nous
in approcho d' vimy, pi d un seul coup , cha nous quéyo sul' guiffe, à la fois notre dame de lorette en face, derriere l antenne d' bouvigny , pi su la droite , comme posés su la terre, un archipel d' ilots noirs, nos terrils
cha y est in est arrivés, sur , pasque pas loin del mason, in l' vo l antenne d' bouvigny
ch'est ché derniers kilometes les plus longs, so in sort djà à noeux et in arprint la rocate, ou alors in va plus loin , in passe à coté du terril du qu on skie et in sort à béthune
allez in passe par bethune, cha permet d arriver jusqu à la porte nord du que djà à l époque cha pousso d' partout
de là yavo pas grinmint à faire su la route nationale, ch' feu des quat' chemins, l' cote à monter et in tourno dans la rue
in s' garo, et eune fo l' carette freumée, faijo cru comme dit là bo, in rintro par l' porte del cuisine
djà in savo que chéto un bouillon, d' boeuf l' plus souvint, quequ' fos eune poule, fallo pas et' grand clerc pour l' deviner suffijo d' vire tout' l' buée qui yavo sur ché vites
in voyo pas c' qui s ' passo à l intérieur
là in rintro, et in éto "saisi" à la fois par l' caleur qui faijo à l intérieur, ché radiateurs i zétotent à fond, pi l' chaleur et la bonne odeur dégagée par ch' bouillon
bonne odeur qui embaumo tout l' bas del mason, quo que , djà quand qu in allo poser nos loques dins l' pieche de d'vant, i li faijo moins caud
"cha cuit depuis 8 heures au matin" qu ale dijo m' mère ...
y a bin d' zannées mais ch'est comme chi chéto hier
la roue tourne que j a mis en titre , aujourd hui in est là à attinte l arrivée d eune des files, ch'est nous qu in reste al' mason , ch'est eusses qui viennent
dins l' mason cha sint bon, ch'est pas un bouillon, j allo dire ch' est tout comme, nan ch'est différent mais ch'est aussi bon, ch'est eune garbure qu ale cuit
pas depuis 8 heures au matin, fini ch' temps qu in metto un énorme faitout rimpli d io à cauffer et qu in y ajoutto viante et légueumes , tout cha mis such' fourneau
asteure ch' est cuisson cocotte sul' gaziniere, mais j' peux vous dire que cha sint bon
j' su sur que taleure, i vont arsintir la meme chosse, dehors i fait cru aussi, dins l' mason i fait bin caud, cha sint bon ...
comme y a djà pas mal d années, à bruay, mais pour mi, ch'est toudis hier ...
mais faut aussi aller d' l avant, si zavez la curiosité d' vire quo que cha n' est qu eune garbure, mi j' vous dis qu' cha, in s' pourleque les babines à l avinche