grand père et tchiot garchon à la fois
par minloute le, 25/12/2017là ch' matin, i fait cor nuit, tout l' monte i dort cor, j' supposse que ché tchiots sont réveillés, cha grince et cha s artourne dins ché lits à l étage ...
ach' momint là, in est "partagé" ouais , ch'est l' bon terme " partagé"
d un coté in va indosser sin role d' grand père , s amuser d' vire l impatience des tchiots, d' savoir que dans queques zheures suffira d' dire , "pouvez y aller" , que cha va déchinte d un coup et qu aujourd hui , jour espécial, faudra pas les rappeler 10 coups avant qui so in bas
in va les vire vite cacher l' plache d' leu cadeaux près du sapin, attinte l' feu vert pour les déballer pour certains, et' freinés par ché zadultes pour r'zautes ....
in va sourire d' vire leu impatience à ouvrir ché cadeaux, à intinte leu cris de joie , et d' vire commint qui sont épatatés eune fo ch ' papier artiré
mais dins l' fond d' nos tietes, nous , ché "grands" , in est certain'mint plus sensipes par rapport au passé, aux temps anciens diront ché zados pour s' moquer d' nous, le temps merveilleux que chéto nous qui étotent al' plache d' nos pitits zinfants
sur que pour nouzautes, chéto souvint des juets moins sophistiqués, et pététe aussi qu in s émerveillo plus facil'mint qu asteure
yavo cor eune certaine magie d' la fete, in éto tous à fond dans l' canchon de tino rossi qu in nous bassino au poste bin souvint durant ché fetes ......
in éto en admiration devant ch' père noel, ch' père noel, nos parints i nous in rinvoyo l imache j allo dire officielle , chti qui veno du frod eune fo par an, qui veno la nuit , en profitant du sommeil des zinfants pour déposer ché cadeaux
asteure dés mi décempe, meme chti qui y cro cor, y a d'quoi s' poser des questions .....
in l'vo partout, dans ché rues pietonnières en centre ville, mais surtout, depuis les années 80, ch' père noel y a cangé ses habitutes
autant avant i démarro s' tournée que le 24 autant asteure i démarre bin plus tot, mais zinquietez pas pour li, i vit principal'mint ach' momint là, dins ché grantes surfaces alimentaires , devant ché caisses
as' deminder si nous ché zadultes in sero pas plus attaché à c' qu in appelle la magie de noel qu in a connu quand qu in avo leur age
mais surtout pour nous ché zadultes, ch' jour chi dins ché zheures là, in s' souvient des bons momints qu in a connu quand qu in éto tchiot
au delà des cadeaux qu in a eu, plus on vieillit , plus on pinse à tous ceux qui étotent là ach' momint là et qui n y sont pu ...
dans queques zheures toute l' maisonnée ale va s' réveiller, et nous ché grantes personnes in va tout faire pour que, nos jones plus tard, i puissent pinser à noel comme à un très bon momint