la tchiote bobine d' ficelle

au d' sur del gaziniere, trono la tchiote bobine d' fichelle, ale a toudis été là, mise dans un minuscule panier, réplique minimale du fameux panier à salate ......

avant ale éto djà là , mais ale servo pour ch' fourneau qui éto ach' momint là su la droite

tchiote bobine, mais rin qu ale vire , j a ché zodeurs qui arriffent et j ' va bientot commint am' pourlequer ....

pasque chte tchiote bobine ale servo à m'mère pour attacher ensempe ché tiges d' porions ...

là sul' tape del cuisine, du qu ale avo déposé d'sur eune grande feule d' journal d' la voix du nord ........

ch' est là qu ale avo épluché ché légueumes pour préparer ch' fameux bouillon

sur que djà cha sinto bon ché légueumes qu ale avo épluchés, après ale les metto dins l' grante marmitte .......

ale les déposo tout duch'mint , et pour ché porions qu ale avo attachés ensempe, ale les déposo avec eune écumoire

ale metto tout cha à cauffer, ach' momint là ale in profito pour aller querre ch' pain à pied

eune fo qu ale rintro ale dijo , cha comminche à sentir bon.... as' déloquo rapid'mint, tout cha pour artourner dins s'cuisine pour vire commint que cha passo sous ch' couverque , prète à l arprinte s' n écumoire , pour artirer toute l' mousse qui arrivo à la surface ......

ah ....sin bouillon ...... ale nous l' préparo , nous qu in arveno la vire en carette un week end d' temps en temps ....

eune fos garé such' trottoir, qu in sorto et qui faijo cru, qu in arrivo dins l' courette , qu in voyo ché vites toutes embuées....

qu in ouvro l' porte et qu in s' prenno dins l' guiffe la différence d' température, tout cha avec l odeur d' tous ché légueumes qui vous zarrivotent dins les narines ...

j a fait du bouillon, qu ale préciso ... in l avo bin sinti m'm'ma que chéto du bouillon mais j' savo que té savo que cha allo nous faire plaiji .........

suffijo que tel' ramène sul' tape et que té comminche à nous servir , min père qui dijo " y a des zius" , cha voulo tout dire ..... i éto réussi

que plaiji d'minger ch' bouillon avec ché légueumes d' dins, ch' boeuf après avec ch'riz accompagné d' la fameusse sauce tomate que t avo fait , mon diu que chéto VRAIMINT un bon momint ......