Eugène Tahon
par minloute le, 18/02/2018In peut rinte un tchiot hommache ou tout au moins armette sous la lumière accésoir'mint le nom d 'Eugène Tahon, qui d' sin vivant , ch est l' cas del dire , auro pas cru qui sero la première personne qui « inaugurero » le cimetiere du 3 de Bruay
ch' éto en 1881, le 16 novembre, plus précisémint, un mineur du 3, cor bin jone, à peine 32 ans , victime de la variole noire
faut dire que l ancien cimetiere, situé autour de l église saint martin, éto devenu bin pitit , suite au develop'mint démographique que subisso bruay avec l expansion de l' activité miniere ,,,,,
cimetière qui , comme sin nom l indique, éto situé tout in haut del fameuse cote qui permetto , du vieux bruay, d 'monter jusqu au plateau , et de là arjointe Marles et Auchel ,,,,
faut ti i voir un symbole, mais pour ché gins qui n étotent pas du quartier, suiffe ch' corbillard tiré par ché bidets jusqu in haut, mazette, cha devo pas et' loin aussi pour eux d' arsembler à un chemin d' croix ,,,,,,
ch'est un cimetiere que j a ker, j' dis cha sans vouloir offenser quéqu un, certains qui lisent cha , ont , comme mi , d' la famile interrée là haut , mais au delà d' cha, visiter un cimetiere, cha donne souvint eune idée d' c' qui a pu s'dérouler dans la ville quequ' décénnies avant et in va , si vous l' permettez, i passer un tchiot momint
d'abord eune impression d infance ,,
j' savo qu' mes parints i montotent quequ'temps avant la toussaint, tout cha pour nettoyer la tompe d' mes grands parints paternels, pi y déposer souvint la veille, ché chrysanthèmes ,,,,,,,
la toussaint , j va pas vous surprinte, ch'est bin souvint en novempe, et l' temps par chez nous , ch' est rar'mint à ch' t' époque là qui est au plus bio ,,,,
draches et vints là haut, such' plateau, donnotent pas invie d y rester plus que de nature ,,,,
mais mi l'souvenir l' plus étrange, j' l a djà raconté in détal, chéto les fois que là haut, ti monto et que chéto rempli d' brouillard,,,,,, là , sur que chéto cor plus lugubre
derniere impression et pététe la plus étrange pour mi à l époque, j éto trop jone pour l' comprinte, mais quand qu in s' recueillo sul' tompe d' mes grands parints, j' sinto plus que j' voyo qu' min père éto cor fort ému, ardevenu l instant du recueill'mint , comme un éfant d'vant la tompe d' ses parints
après ch' momint d' silence, ma mère ale prenno l' bras d' min père, et in parto excusez me du terme, « faire la tournée » des tompes d' la famile ,,,,,