plaque commémorative
par minloute le, 26/02/2018Mais quo qui li a pris à Monsieur Vanghelder, d' raviser par s' farniete le jur que ché zallemands i quittotent Bruay ?
Un tchiot rappel en arrière ,comme indiqué sul' plaque commémorative, ale éto fixée avant au coin d' l habitation de Mr et Madame Vanghelder, rue Anatole France, juste à gauche del pharmacie Bonnier
j éto tchiot, et j m éto arrêté d'vant chte plaque et en rintrant al' mason j avo d'mindé am' mère quo qui s éto passé ,,,
ale m avo raconté , elle avo été témoin du repli des troupes allemandes fin aout 1944
quand que ché zallemands i zont quitté la ville , i zavotent prévenu la veille, qui voulotent rin vire bouger à ché farnietes, qui devotent in plus et' strictemint freumées , tout cha bin sur , pasqu i craignotent le tir de francs tireurs ou de résistants
in haut de l' cote des grands bureaux, am' mote que Mr Vanghelder, li, y avo du passer d' vant s' farniete au mauvais momint et i avo été atteint par ché balles allemandes
pas de chance que j' me dijo du haut d' mes 8 ou 9 ans, surtout que Madame Vanghelder, j' la connaisso,,,
in allo quequ' fo dins sin magasin, ale y vindo entre aut' des fournitures scolaires, y avo un carillon à l entrée , un parquet in bo bin lustré au sol, et pour in arvenir à Madame Vanghelder, djà bin agée à l époque , ch'éto la gentillesse même
mi j' a jamais osé li dire, mais pourquo que vot' mari y a passé ach' momint là ?
Les années ont passé , j' su parti de Bruay et ch'est lors d un passache au cimetière du 3 que j a vu qui yavo tout au fond de l allée principale, un mur d' briques que d' sur yavo des plaques
j a eu la surprisse d y artrouver la plaque de la rue Anatole France d'em n' infance
, cha m a fait busier un momint, l' fait d artirer ché plaques d' l indrot du qu ale zétotent, chéto un peu les mette au rebus dans un coin,,,,,,,,,,,,,,,,,
après in pouvo s' dire aussi que les laisser sur place , avec ch' vandalisme , chéto ptete pas la bonne solution
pi asteure y do pu avoir grinmint d' personnes qui pourrotent raconter sur plache quo qui s éto passé ach' momint là ,,
alors j a préféré printe ch' coté positif, dem' dire que j éto certain'mint pas l' seul à passer par ichi, et que , toutes argroupées , cha donno aussi un aperçu de c' qui a pu s' passer à Bruay à ché momints là ,,,
( 2 photos)