Al bonne fay ed Berlincourt-el Cauroy
par gabriel le, 09/03/2018Chal bonne fay ed Berlincourt-el Cauroy
I étot eune fos eun coupe ed gins de ch’Nord bin sympathiques qui restotent à Berlincourt-el Cauroy.
Li, i s’appelot Edmond et ch’étot eun brafe homme ed 40 piges pis alle, alle s’appelot Ginette et ch’étot auchi eune brafe feume ed 40 piges aussi. Bref os l’aurez comprins ; ch’étot des quarantenaires bin brafes.
Un jour qu’i faisot caud, is décidèrent d’aller faire eune tite randoulette au bord d’al Canche, histoere ed prinne l’air et pis surtout, minger eune tchiote porchion d’frites aveuc eune bonne bire au bistrot du villache (s’il est cor là). Alors, qu’is marchotent trintchillemint bras ed-zus bras ed-zous, is rincontrèrent, au détour d’un quemin, eune bonne fay.
Al fay leu dit comme cha: « Cha fait bin longtimps qu’ej vous observe et pis comme ej troufe qu’os êtes in fin biau coupe et pis comme ch’est min jour ed bontay; ej vas vous accorder un vœu à chacun d’vousautes. Alors mes brafes gins, quo ch’est qu’i vous ferot plaisi ?»
El fème toute benache de ch’t’affaire là, prind l’parole pis dit : « Ej voudreus bin faire eul tour du monte aveuc min homme, vir New-York, Tokyo et tout cha !» El fay arlota s’baguette magique et prononcha s’formule: "Abracadabra". Soudain i apparut un billet d'avion dins l’main d’Ginette.
Quand vint el tour d’Edmond, chti-ci i dit : « Euh..., ch’est bin romantique tout cha mais comme eune opportunité comme chelle-là n'arrive qu'eune fos dins s’vie ; alors ej sus désolé, ma tchiote Ginette, mais mi j'aimereus bin aveoir eune feume qui a 20 ans de moins qu’mi ! »
El fème fut terriblement déchue par sin homme d’intinte eune cose pareile.
Alors, l’fay fit cor marcher s’baguette magique et Edmond s’artrouva aveuc 20 ans d’plus ; ce qu’i li faiseut 60 piges !
Moralité pour ches hommes :
Des fos, vaut miux rester à s’baraque edvint s’télé aveuc ches frites pis s’bière plutôt que sortir aveuc bobonne et pis dire des carabistoules al première bonne fème qui soye.
Merci à « Banque chtimi » pour un bon apprentissage du chti.
https://banquechtimi.blog4ever.com/