in pouvo pas finir ch' sujet comme cha
par minloute le, 14/03/2018nan, in pouvo pas finir ch' sujet sul' boulodrome comme cha, sur eune note aussi triste ...
j' vous a artrouvé eune photo du même boulodrome, du temps comme diro l aute "de sa splendeur" ......
tout y est , bon y a bin queques zherbes folles mais cha déringeo pas personne
nan, mais ravisez me cha ch' bio terrain, avec la cible tracée au sol...
ch' rouleau prêt à servir, d ailleurs ch'éto eune des chosses qui faijotent avant d' commincher à juer, y n avo toudis qui arrivotent avant les zautes et qui passotent ch' rouleau...
pour que l' piste al'so comme un billard... pour que ché boules ale roulent vers ch' cochonnet , sans avoir à crainte un mauvais caillou qui pourro détourner s' course ...
ch'éto pas d' la tricherie, chéto l inverse, avec eune surface bin lissée, ch est chti qui invoyo l' boule qui faijo ou non la différence ...
pouvo met' cha sul' dos d un caillou par chi par là, nan, la différence té la faijo dans la précision, dans la maitrise et la force du geste ......
d' chaque coté, ché bancs, prêts à accueillir ché zartraités .....
sans parler del' buvette qu in devine ichi su la droite
façon aussi d' finir le sujet su le boulodrome sur eune note plus sympathique ...
( 1 photos)