la porte de la pièce de devant
par minloute le, 19/03/2018Croyez pas que cha so un effet d optique,,,
ch'éto rééel'mint c'qui s' passo au niveau d' la porte « de devant » comme on dit par chez nouzautes
la plupart des masons des corons étotent forchémint construites au dessus des galeries , et par indrots, cha bougeo plus ou moins ,,,,,
chte porte là, djà qu à l époque chéto pas souvint qu ale éto freumée , mais les dernieres années, fallo forcer un tchiot peu ,,,,,,
y a des coups la nuit, savez quand qu in est un jone d' 8 ou 9 ans , allongé dins sin lit tout seu à l étache, bin avant qu' ché parints i viennent s' coucher, chéto l' momint propice du qui s' manifesto,,,,,,
bon savez que ché jones in s' fait vite des flimes comme in dit asteure, qu in a l imagination fertile,,,,,,
mais sur que eune fo m' mère ardéchindue après m avoir bordé dinch' lit et fait un dernier bisou, eune fos l' porte in bas arfreumée,,,
mi j armonto mes draps au plus haut pasque ch'est à partir de ch'momint là qu' « il » commincho as' manifester ,,,,,,
savez comme essayo d' m expliquer m' mère, eune mason avec grinmint d' bos, cha bouge toudis un peu, ch'est normal que cha craque un peu par chi, un peu par là ,,,
enfin mi dins min lit, quand que j intindo craquer , j ' éto persuadé que chéto quéqu'un, eune espèce d' fantome qui monto ché marches d' l escayer inexorablemint ,,,,,,,,
faut dire aussi quand que j y arbusie un coup, que pas loin del mason, presque en face , et plus bas, yavo plusieurs masons qui avotent été abattues,,,,,,,,
sans compter celles de la rue de béthisy , et du haut de la rue de montataire , chéto paraît illa faute à « la faille de ruitz »
mi gamin, avec un camarate d' la rue de paris, in s éto introduit dins ché masons là,,,,,,,,,,,,,,,,,
et l'plus impressionnant chéto rue de montataire,,,,,,,,,,,,
du que dans l' cuisine, té te d'mindo comme cha avo pu s'faire, si yavo pas eu eune forche surhumaine, pour dresser ché carreaux du carrelache vers le haut, comme si chéto eune vague qu ale exploso
j a su bin plus tard que les carreleurs i zappelotent cha «du pianotage » , quand que ché carreaux, par eune poussée du sol i zarmontotent ,,,,,,,,
porte in bo qui freumo pu,,,,,,,,,,,,,,,, dalles disjointes dins l' cour ,,,,,,,,,,,,,,,,,,fissures dins ché baraques ,,,,,,,,,,,,,,,,,,,
chéto l' lot d' pas mal d' masons des mines ,,,,,,
min camarate rue de Divion, in haut d' la rue Alfred Leroy, dans s' champe, té metto eune balle d' pinepongue au miyeu, j' dis pas qu ale ballo, j' pouvo dire qu ale dévalo l' pente pour venir buquer conte la cloison del pieche ,,,,,,,,
sans compter qu en plus ché masons avotent été construites vers la fin du 19 ème sieque, j allo dire « à la chaine » , enfin rapid'mint ,vu qui fallo loger l afflux d' main d oeuve ,,,,
in pourro conclure par la formule « et cor ,,,, »
et cor ,,,,à l époque meme si yavo des foudroyaches au fond, ché galeries étotent entretenues et réparées ,,,
asteure, quo qui ch' passe au fond, bin la meme cosse qui s' passe dins ché gardins quand qui sont pas cultivés , la nature ale arprind ses droits à eune vitesse ,,,,,,,
am'mote que là bas , tout in bas, meme ché structures les plus solites ale sont en train de s' désagréger , et tout cha pour dire, qu asteure, in comminche à in vire les effets les plus spectaculaires au niveau de la surface ,,,
carettes qui s infoncent dans des trous, routes qui s effondrent ,,,cha devient bin plus courant qu avant ,,,
à méditer mes gins , à méditer
( 1 photos)