le rassaquache
par minloute le, 29/03/2018Diminche dernier, j éto pas parti pour minger du rassaquache , j avo prévu d' em faire des oeufs au plat, pi, in ravisant dinch'frigo, j' qué such' saladier du qui yavo ché restes del potée d hier ...
ni eune , ni deusse, min sang y a fait qu un tour, retour in arriere, comme si chéto la marseillaisse voyez, j m' a dit que j allo m' faire cha en rassaquache, comme dans l' temps ....
al' mason quand que j éto tchiot cha arrivo qu in in minche, chéto le lundi au soir ,,,
j a précisé « cha arrivo », pasque m' mère ale faijo cha avec les légueumes du bouillon
et nous al' mason, pour qui reste des légueumes pour le lundi midi, chéto pire que la sélection naturelle selon Darwin ,,,
pourtant m' mère ale in metto grinmint des légueumes, cha débordo presque del marmitte ,,,,
djà , au départ, in in mingeo pas mal avec ch' bouillon ,,,
pi j' do avouer, asteure y a prescription, qui y a des coups que j' devo aller querre quequ' chosse al' caffe pour m' mère, que cha m arrivo d' ouvrir ch' garde minger,,,,
savez chti in ossature in bo avec du grillache d' sur, qu in ouvro en ayonnant ch' pitit loquet ,,,
pour pluquer ichi ou là , un bout d' carottes ou de navet, qui zétotent dans ch' saladier,,,
j avalo cha goulumint vu qu' min père, im' surveillo, faut dire que li aussi quand qui éto tchiot, sin père i veillo au grain quand qui déchindo al' caffe, « siffe un coup » qui li dijo, faut dire que minger et siffler en meme temps ch est loin d' et' facile ,,,,
allez imaginez asteure qui n in reste pour au soir, bin j avo a aussi ker arminger ché légueumes , armontés d' la caffe, frods, in vinaigrette que caud l' midi avec ch' bouillon
d ailleurs j' em faijo l' meme reflexion avec ch' bœuf bouilli
le somome d' tout cha, un aut' saladier du qu' dins m' mère ale avo mis ché restants du bœuf du midi, frods aussi, accompagnés d eune vinaigrette et des capres ,,,,,
si chéto pas l' samedi au soir, in les mingeo frods aussi l' diminche pour ch' souper
alors zavez vu , pour que ché restes d' légueumes i passent ch' week end, chéto à peu près la meme proportion que pour ché zeufs d' tortues, d' éclore dins l' sape, d arjointe la mer et commincher à nage avec tous ché animaux prédateurs qui tournotent autour ,,,,,
mais cha arrivo quand meme, pi yavo pas qu ale mason que j' pouvo sintir cha, j a l' souvenir d in avoir sinti un coup que j avo du apporter eune lettre à mon d' ma matante ,,,,,,
pi, dins nos quartiers, suffijo que le haut del porte à battants qui donno sul' rue ale so ouvert,,,,,,
que ché zodeurs caractéristiques d' minger, comme la cuisson du steack avec d' l ail, ou l' récauffache des légueumes pour faire ch' rassaquache, pour que tout l' monte qui passe dins l' rue, i puisse aussi in profiter ,,,,
bonsoir , ce matin en me levant j'ai ouvert le frigo et le texte de minloute m'as sauté a la figure!!! Le saladier avec le jarret de la veille que je n'avais pas su finir!!! et une saucisse de fête à la maryonnka(marjolaine)
bref le saladier était la il n'y avait plus qu'à planter le couteau pointu!!! et pas de tartine à la confiture!!!!!! j'ai vidé le saladier hummmmmm
je joins les photos
( 2 photos)