ne jette pas ça malheureusse
par minloute le, 30/03/2018Mon diu mes gins, j' vous avo pas mis l' photo du rassaquache ,,,,,
in plus i resto un bon morciau d' jarret , frod li, que j a mingé avec
Y a pu rin sur l oche, j' va l' jétter ,,,,,,,,,,
,
grand mère ale vient d' ouvrer ch' frigo et d' vire ch' l' oche du jarret dinch' saladier , ch'est tout c'qui resto d'la préparation du rassaquache ,,,,,
malheureusse ! Que j y a dis, c' qui reste ch est ch' meilleux ,,,,,
in dijant cha, j a cru faire du plaibaque mot pour mot, ch'est c' qui dijo min père ,,,
savez pourquo ch'est ch' meilleux ?
Pasqui fo rogner, printe sin timps, avoir eune deuxieme serviette pour essuyer ses dogts, pour minger ché tous derniers morciaux ,,,
djà qui éto fort benache d' minger des pieds de cochon, mais pour ché récuperer ché restes i éto imbattape ,,,
min père chéto l espécialsite, sans et' radin mais chéto pas dins s' nature d' gacher et d'jetter à la poubelle,,
pététe pasque yavo connu les deux guerres,,,
sur'mint aussi qui avo connu au miyeu des années 20 , j allo dire , des momints, in tout cas des longs momints du que s' mère , devenue veuve, i fallo qu ale compte et qu ale racompte avant d' commincher à faire eune dépense ,,,
tout au moins y avo pas ker jeter ni gaspiller , in avo pas interet à juer avec ch' pain à tape ,,,,,,,,
mais arvenons à ch' dépiotache que là chéto un expert, chéto l' desochache del carcasse d un poulet ,,,,,
ch éto au soir, le diminche , i allo querre, nan j allo dire eune bétisse, i d'mindo am'mère d aller li querre un tout tchiot coutiau d' cuisine
et là comme diro l aute, i s attaquo à la bete ,,,
i raclo par chi par là ,,,,
i artourno l' carcasse dins tous ché sens pour vire si i resto pas des tchiots bouts d' viante d' camuchés,,
alors là , i prenno un malin plaisir à aller les querre, y avo alors que l' bout d' la lame qui dépasso, pasque i tenno l' lame entre ses dogts au plus près ,,
m' mère ale dijo rin, mais savez comme diro l aute, chéto écrit sus'tiete que cha l énervo ,,,,
d ailleurs min père i in juo parfois ,,,
suffijo qui pose l' carcasse raclée, récurée, inspectée et recontrolée,,,,
que m'mère as' levo pour l' mette à la poubelle ,,,,,,
bin sur ch est ach' momint là qui levo un bras au ciel , in criant « malheureusse i n a cor plein , jel finirai demain »
m' mère fort contrariée, ale raviso c' qui resto del pauve biete, que des zoches blanchis , qu ale dijo à min père un peu exaspérée « mais Léonce , i reste pu rin d' sus »
alors min père, i juo à l étonné, en dijant , « bin mets le al' poubelle alors » ,,,
chéto sin humour , i éto contint d'li, m' mère, pauv' maman, ale prenno tout toudis au premier degré ,,,,
mais ch est pas pour cha qui s aimotent pas, loin de là ,,,,,,,,,
( 2 photos)