ch'est du gardin

ch'est du gardin qu ale dijo m' mère...

mi,j' saquo min nez ......

sur que si cha vient du gardin, cha do et' bon, mais j avo , j a toudis des souv'nirs d' "salates composées" qui m avotent dégouté ...

j éto méfiant savez.....

j' étudio feule par feule pour vire si yavo pas d' especes de tchiotes limaces grises ....

beurk, rin qu à y arpinser .......

alors , quand que j' montro am'mère ché fameusses limaces, ale dijo "et pourtant j ' la lavé 2 fos"........

bin cha suffiso pas pour mi, alors fallo l' minger , mais j' peux vous dire que jel mingeo du bout des dints en ayant bin ravisé avant si n avo pas un camuché dins un coin ..

in plus , min frère i in rajouto eune couche , en m'dijant au dernier momint qui en voyo eune , juste quand que j allo l' macher ...

j' ralo, mes parints aussi... pi savez in juo pas avec la nourriture al' mason .....

cha avo aussi ses mauvais cotés ....

vous l' savez , zetes souvint vous meme des jardiniers ou tout au moins des zéfants d' jardiniers ...

zavez vu vot' père fuir ch' gardin, espérer eune bonne récolte, et quand justemint la récolte ale éto exceptionnelle, bin fallo l' minger , in allo pas l' jetter

in plus souvint , n en déplaise à certains, souvint chéto tous ché jardiniers qui faijotent ensempe eune bonne récolte, pas moyen d' pinser à n arfiler à un aut' ...

nan nan, mi j a l' souvenir eune année que j a eu peur d' finir lapin , vu que la "salate ale avo donné" .....

à vous in dégouter mes gins ...

et cor , mes soeurs ale zont connu eune année du que chéto les p'tits pos que cha avo donné bin plus que d habitute ......

"j'cro" meme qu à un momint, meme m' mère , ale in a j'té mais discret'mint quand meme, mais là i n avo vraimint bin d'trop...