Montreuil sur mer
par minloute le, 01/06/2018Montreuil sur mer ... j a vu hier un reportage sur Montreuil à la télé, avec des vues aériennes, mon diu que ch'éto bio ...
enfin, si j' voudro que grand mère ale soupire,et cor asteure près d' trinte ans après ,m' a suffit d' li dire "eh viens raviser al' télé , ch'est montreule" ...
Montreule, chéto le "plan b" quand qu in éto en vagances à Merlimont ..
plan b, pasque j allo dire "montreule in y allo quand qui faijo pas bio" ..
y a des séjours du qu in auro pu y aller plus qu un coup ...
mais in s y teno, ou plutot j' mi teno ...
j avo ker aller là bo, chéto pas loin d' merlimont mais j avo l impression que ch éto pas l' meme monte
d' abord té rintro dins la viele vile qu ale éto intourée par ché remparts
la vue des remparts j' pourro pas dire qu ale éto extraordinaire vu qu in y allo quand qui faijo pas assez bio pour aller meme s' prom'ner su la plache .......
mais in avo quand meme eune vue plongeante su la route qui meno à étaples , et faire ch' tour des remparts j y teno chaque année ..
m' femme , comment dire.... ch éto sin chemin d'croix...... ale avo toudis peur qu' ché gosses i quettent par dessus ch' parapet...
faut dire qui yavo pas d'vraies rembardes à certains endroits, mais meme suffijo qui s approchent à moins d' dix metes , ale déclencho le plan orsec ...........
dés qu in avo tourné après la citadelle, si ale pouvo nous faire bifurquer dins ché ruelles pour s eloigner du bord...
meme qu un coup, in a tous été farcés, faut dire que l' ciel i a d'venu d un coup d un noir d'encre .....
alors in a tourné dins ché ruelles, pi y a comminché à dracher, fort ......
que dins ché ruelles chéto loin d et' un qu'min rectiline, que pour arjointe la grand' plache du qui a l estatue avec ch' bonhomme su sin bidet, in a mis un sacré temps ....
le temps necessaire pour que ché quaouais i serfent te pu à rin, qu in s' jette dins l' carette, enfin , ché grandes, vu qui a fallu après démonter ch' landeau du dernier , et l' mette dins l' coffre ...
j' parle du landeau pas du gamin, qu in avo djà mis à l avant avec s' mère ...
as' deminder si grand mère cha l arringeo pas dem' vire m' batte dehors avec l' poussette à démonter sous ché trombes d iau ...
que eune fos dins l' carette, avec toute l humidité à l intérieur, ch ale buée su ché vitres, ale a dit mais j' m y attindo
"ah t as vu , té m y f'ra pas arvenir à Montreul ch'est fini" ...
bon chaque année in y artourno, faut dire , que j avo mis ché gosses d' min coté , en leu promettant qu in iro minger eune gauffe en rintrant , à mon lekermans, ch' grand camion qui éto installé toute l' saison un peu avant le frond de mer à merlimont .....
j a honte .....