in a pas d' pétrole ...
par minloute le, 12/10/2018souv'nez vous la claque dins l' guiffe qu in a pris en 1973......
avant chéto tout bio tout rose, grosses carettes, gros réservoirs, in éto aussi depuis le début des années 60, dans l ére du plastique à tout và .....
j allo dire nous les européens, les américains, les russes, in éto "les rois du pétrole"......
in avo meme un air d' condescendance envers ché zautes pays, afrique, amérique du sud et asie
in parlo des pays du tiers monde, de pays sous developpés
pi en queque' semaines, patatra, la hausse inimaginape, vertigineuse du prix du baril
vlà ti pas que ché zarapes chez qui in extrayo l' pétrole , i zont décidé d' es ' mette ensempe, et d' nous défier ...
oh cha a été un sacré coup d' poing pour beaucoup, in éto du jour au lend'main , à la merci d' ché gins là qui pouvotent faire c' qui voulotent en terme de prix ...
j' me souviens des reportages qu in voyo à la télé ach' momint là
reportages sul' télé noir et blanc, comme si cha augurait du nouveau climat qui régno sur l europe
in y voyo des files d' carettes qui attindotent devant ché estations essence
in éto arvenu aux prémices du temps d' la pénurie,du "devoir faire attention" et cha , pour ché gins qui avotent cor connu en majorité la périote d' la guerre, chéto loin d' et' bon signe pour ch' moral ....
pi que vexation d' pouvoir rin faire ,que d accepter cha, fini le temps de l insouciance ...
meme d' là haut, ché messaches qui venotent du haut de l état étotent restrictifs du ginre " va falloir faire des zéconomies" ...
in a connu ch'te slogan, "in a pas d' pétrole mais on a des idées" .........ché spots qui nous dijotent qui vallo miu armette eune pitite laine que d' laisser ch' chauffache à fond ...
j' me souviens qu ale mason in avo un thermomete humoristique du qui avo l' chiffe 18 degrés au miyeu d un panneau d interdiction , fallo pas plus qu' cha comme caleur dins ché pieces ...
cha a été un sacré coup au moral, depuis la fin de la guerr, tout duch'mint d abord , pi en s emplifiant, in parlo pu que de progrès et de société de consommation
ch' te meme année 73, alain peyrefitte évoquo dins sin live "quand la chine s'éveillera" .....elle s'est réveillée