la télévision
par minloute le, 20/10/2018Avant d' commincher à mette tout cha such' tapis si in peut dire, ch'est sur qui a eu eune sacrée évolution d' la télévision durant ché soixante dernieres années ,,,
sur qu in s in est rindu compte au fil du temps, mais m a arrivé d in parler avec m' tchiote file qu ale a 8 ans asteure, dégourdie qu ale est ch'est l' moins qu on puisse dire,,,
mais c' que j y a raconté, meme si chéto que la vérité vraie, bin ale a du maux al' croire,,,,,,,,
ale a ravisé s' mère d un air dubitatif, qui elle meme s a retourné vers s' mère pour savoir si j' raconto pas des cacoules ,,,
ou si j'noircisso pas ch' tableau ,,,bin nan
j' passe su l arrivée d' la télé noir et blanc, al' mason fin des années 60, ch' transfo installé in d'sous dech' poste vu qu in éto cor en 120 volts,,,,,,,,,,
un poste Radiola mes gins, du solite, chéto eune marque renommée ,,,,
nan, ch'est quand que j a parlé des programmes que j a sinti qui yavo l' plus d éton'mint pour eune éfant née 10 ans après l an 2000 ,,,
té sais , ché programmes, à part le samedi et le dimanche, i s arretotent en début d après midi pour arprinte que vers 19 h,,,,,,,
et que cha passo jamais minuit au pire ,,,,,,,,,
j' préciso quand meme in li dijant qui yavo des momints « extraordinaires », comme le jur du 11 novempe, qu in avo dro chaque année, l aprés midi à un flim sur la guerre 14 18 et à un ouesterne,,,
et cor , ch' t aprés midi là , yavo qu eune des 2 chaines qui ouvro sin programme ,,,,,,,,,
j a toudis l' souvenir du flim les croix de bois, datant de 1932 avec Pierre Blanchard et Charles Vanel ,,,,,,,, i m avo vraimint marqué
sans quo cor plus exceptionnel'mint, quand qu in éto en vagances scolaires et que ch'temps i éto vraimint pas bio, in avo dro à un flim l aprés midi ,,,
ch'éto annoncé par eune speakrine ,,,,,,,,,,,,,mais cha in in arparlera plus tard mes gins ,,,
sur aussi qu in avo dro tout aussi exceptionel'mint, le jour de la noel et le jour de l an, à eune série d' films , j' me souviens d un « fort apache » des « commencheros », de « tarass boulba »,,,,,,,,
sans oublier mes gins et là , genou à terre, in avo dro ché 2 jurs là à eune émission espéciale de deux heures de « l ami public numéro 1 » avec Pierre Tchernia, et des extraits de dessins animés de walt disney ,,,
faut dire qu in in voyo pas tant qu' cha des dessins animés à cht époque là , et zétotent toudis attindus avec impatience ,,,,,,
mais commint que cha s' passo l aprés midi alors ? , qu ale m' demindo m' tchiote file , ,,,,,
j' va t expliquer cha attind 2 mineutes ,,,,,,