la bonbonnière à Bruay

en 50 ans cha a grinmint cangé sur Bruay, l activité minière ale est terminée, la population ale a grinmint vieillie, beaucoup d' jons sont partis

la "porte nord" , la zone commerciale tentaculaire qui est toudis en dev'lop' mint à la sortie de Labuissiere ale a d' abord duch'mint pi d' manière irréductape fait freumer un à un les commerces du centre ville

sur qui a pas les structures pour s' garer , pi tout y est à la porte nord , qu ale attire à elle, tous ché gins du coin

attirer ch'est l' bon mot, comme un aimant, connaissez ché files d' carettes du samedi pour sortir d' bruay et aller vers labuissiere .........

alors en centre ville, un à un, les figures incontournapes ale ferment eune après l aute

librairie dupont, georges paul ,dambrine, opigez tissus, marchand frères,tetelin, j in passe et des meilleures.......

là j a vu cha sur un compte facebook consacré à bruay, la bonbonniere ale a vécu ses derniers instants ...

sur que la fermeture de georges paul, marchand frères et tout cha , pour ché bruaysiens d ' coeur ch'est des signes qui trompent pas ...

mais la bonbonniere qu ale ferme ...ch' est cor plus "touchant" vu qu in a tous eu querre y aller

té rintro d un coté et t arsorto d' l aute

bon , tous ché tchiots avotent été prevenus par ché parints, in touche à rin ...

yavo ché vendeusses qu ale zétotent là, qui sous leurs sourires , veillotent à c' que ché zéfants i juent te pas avec la nourriture ...

j' dis pas que j' les invio ché vendeusses, mais pour mi , tout tchiot, chéto pas un vrai métier..

savez comme asteure ché vendeusses dins zin magasin d' juets ........

cha sinto bon dinch' magasin là, comme j' vous dijo in rintro par eune porte et in arsorto par eune aute qui éto juste à coté, mais fallo faire ch' tour du magasin , et des zétalaches ..

mon diu, tous ché bonbons qu in voyo .......... i n' avo de toutes les couleurs , plus ou moins avec du chuque

d ailleurs in dijo pas un bonbon, in dijo "un chuque" .....

in'n avo des sortes d' bonbons, dins des cases transparentes, j' les voyo tous in train d' nous narguer....

d' nous dire, "acate me, ravisse comme j' su bio, devine comme j' su bon" ....

yavo des tchiotes pelles in inosque pour s' servir ou pour s' faire servir, j' vous avoue que j' sais pu si in s' servo ou si in nous servo .......

par contre j' me souviens d' mes préférés, yavo j sais pas si in peut cor l' dire , cha s appello des tetes d' nèques, savez chéto à base de réglisse , mon diu qu' chéto bon ...

j' vous parle pas des kréma batna... ni des lutti....... des bandes inroulées de zan, avec la pastille de reglisse au miyau ...........

la bonbonniere, cha a donné plein d' souvenirs à ché gins, pasque ch'est là qu in commindo ché dragées , pour ché naissances pi aussi pour ché communions

ché derniers jurs i finissotent d ' solder, cor eune page de bruay qu as ' tourne...

la bonbonnière chéto connu din la presse ed pis un mo, mais les propriétaires veulent donner aucune explication.

Et achteur, aussi depuis courant septembre, les Arcades ont mis eune grosse liquidation de stock;;; "tout doit disparaitre"... tout l'monde se demande si ech magasin va aussi disparaite avec le stock.

A l'analyse, y a quéques années, el rayon homme avo été supprimé... et din l'même temps les patrons avotent ouvert un magasin à la porte Nord sous l'enseigne "Esprit"..
Début de l'été 2018, discrètement, sous l'enseigne on y a rajouté "les arcades"... j'vous laisse busir.