après nous ....
par minloute le, 11/11/2018ouais, j' em poso l' question taleure, et aprés nous ? in in parlera cor d' la guerre 14 18 ?
j'em pose des questions, in fait partie d' ché derniers, ché derniers à avoir connu un grand père , voire un père qui avo participé à chte guerre
in fait partie d' ché derniers qu in a connu , j allo dire eune "certaine méfiance" envers les allemands, nos ennemis d hier
ché boches qu in dijo, un mélange d' rancoeurs des 2 guerres mondiales ...
j' me souviens aux débuts des années 70, j avo un camarate que ses parints voulotent pas qui fasse partie d un échange avec la ville de Frondenberg ......
in fait partie d' ché derniers qu in a eu un enseignemint certain'mint un peu trop centré sur la France, cor que asteure allez d'minder à ché jones du que ch'est le cret de la neige, quo qui a fait le chevalier Bayard ou Du Guesclin..........
In fait partie d' ché derniers qu in avo dro tous les 11 novembre au matin à aller participer avec l'école à la cérémonie qui avo lieu devant ch' monumint aux morts .....
j' devro même corriger cha, "in éto obligés" d y aller , chéto normal d ailleurs , cha faijo partie du devoir de mémoire .........
sans compter que chaque après midi du 11 novempe in avo dro à la retransmission d un film sur la guerre 14 18.......
après nous ................ j a des gros doutes
j'espère , au pire, que si in l oublie ch'est pas qui yaura pas eu entre temps eune autre guerre qui rinverro definitiv'mint dans l' passé l' évocation d' la première guerre mondiale
in peut l' crainde quand même, et quand qu in vo les dégâts humains et matériels qui ya eu ya 100 ans, j ose même pas imaginer c' qui pourro s' passer vu les "progrès" qui ont été fait au niveau d' l armement ......