au 20 000 ème artique
par minloute le, 01/12/2018bin quand qu in s' ra à la 20 000 ème publication, in fera rin
pasque autant au tout début en 2005, j' savo pas si in pourro publier plus de 2000 sujets ...
alors tout y est pas forchémint bon, surtout au début, certains sujets ont été abordés à nouveau, voire réécrit, mais j a jamais ravisé c' que j avo écrit
j' em dit qu in raconte pas forchémint l' même éven'mint d' la même façon, in a veilli, y a p'tete des détails qui disparaissent au profit d autres ......
in compte pu, cha fait un momint qu in a supprimé le compteur des connexions , in vit au jour le jour
par momints, y a rin, so j a pas l' tiete à cha, pasque entre c' que j' écris et c' qu in publie y a une marge , j' fais rarement des brouillons, j' préfère "accoucher" d un sujet , faut que j a tro quat' idées, la phrase pour commincher , pi j i va ......
sur qui a d' la redite, mais bon sur les 19 mille et des bricoles, in s' souvient pas forchémint d' quo in a parlé y a queq'mos, Marie Claire ale pourro même dire que j a quequ' fos eune mémoire d' pichon rouge ......
in avinche, in continue, in reste fidèle à c' qu in a voulu faire au départ, surtout pas copier les zautes, même si cha parait quequ' fo un peu austère , mais faut que chacun i fasse as' mote et c'est l addition d' tous les sites su le chti qui font l offre, et chacun i trouffe sin bonheur
in peut raviser par chi par là, mais tous in veut faire perdurer l'esprit et l' passé qu in a connu
sur aussi qui a eu des momints que j a cru qui yauro plus de contributions extérieures, mais ché comme cha , et j'armercie ichi Annie qui a nous a fait partagé bin des souvenirs sur le site internet et asteure sur la page facebook du site
pi tous ceux qu'in a rincontré , Christian qui est investi dans les gueules noires de Liévin, Vital et la cité du philosophe, Marcel et ses souvenirs sur Bruay .....
sans oublier ceux qu in vo moins mais qu in oublie pas
sans oublier ceux qu in vo pu mais qu in oublie pas ...
un grand salut à Ch'Zio, à André, à Henri, à Daniel, à Jacques ......
et merci à Internet d' avoir permis d' nous rincontrer, certains comme Ch'Zio qui éto dins ch' nord, mais des gins comme Daniel et Jacques qui habitotent dans la même ville qu' mi et que j auro jamais pu rincontrer .......et regretter