ch' fourneau partie 2
par minloute le, 14/12/2018en fait , quand que j' busie un tchiot peu, ch' fourneau ch'éto bin que pour faire cauffer l' mason .... et cor .....
comme j' l a dit dins l' sujet avant, l hiver in resto confiné dins ché 3 premieres pieches du bas, et cor, yavo del leumiere que dins les deux du fond, la cuisine et l arriere cuisine
suffijo d ouvrir la porte qui meno al' pieche d' devant , pour bin sintir la différence d' température ...
in plus m' mère ale avo mis au pied del porte un boudin pour pas que l' caleur ale passe ...
alors quand qu in devo aller s' couquer, in sinto grinmint la différence quand qu in monto z'zescaliers ...
j' peux pas m' plainte, vu qui n a qui ont connu la brique caude qu in metto au fond dech' lit pour pas avoir trop frod la nuit ....
mais ché radiateurs de ch'temps là étotent loin d' et' rayonnants ........
la preuffe, ché vites in plein hiver , cha faijo des motifs d' sur ..........
in fait , cha servo bin à cauffer juste à coté , à faire séquir ch' linche quand qu in pouvo pas l étendre dehors .....
quand qu à faire cuire ...cha dépindo
si ch'éto un bouillon ou tout c' qui pouvo mijoter cha allo, vu qui suffiso d' mette ch' plat plus ou moins près du cente .....
sans quo ch'éto pas terripe, j' me souviens des plats d hiver, savez ché plats d hiver faits pour nous récauffer
comme ché pétotes au four par exempe , bin m' mère ale devo grinmint surveiller, pasque d un coup cha pouvo et' trop cuit in d' sous ...
alors que ch' meilleur dins l' pétote au four, ch'est bien l' piau ....
in tout cas pour mi ...
parel pour ché pommes au four ...savez ché pommes qu in a vidé eune partie du cente , et qu in a mis du chuque au miyeu...
bin y a des coups cha cauffo in sait pas pourquo, et l' pomme ale teno pu , et so ale balo, so ale quéyo sur elle meme ...
au grand dam dem mère ......
ch 'fourneau pour la cuisson, ch 'est pour mi un viu souv'nir d' min père qui avo décidé d' récauffer des bouffis dins eune payelle avec d' l alu d' sur...
que cha avo dégagé eune telle finquée , sans oublier ch' t odeur bin acre d' pichon qu après y a pu oser arcommincher , m' mère ale avo pris cha comme eune violation d' sin territoire
et l arriere cuisine am' mère, chéto sin chez elle .......