in l appelo poudingue al' mason
par minloute le, 23/12/2018sur que chéto plus connu dins l' bassin minier sous l' nom de pain d 'tchien, mais ale mason in appelo cha du poudingue ...
ch'est pas qu in éto prout prout mais am' mote que m'mère ale vo du apprinte la recette par s' mère , yavo des influences flamantes dins la cuisine , comme ch' paté d' lapin frod in gelée qu ale faijo aussi
j' me souviens tout tchiot del préparation, pas d' toutes ché zétapes mais certaines, qui paraissotent pour un jone garchon , un peu étonnantes ...
d'abord ché corinthes quale faijo tremper la veille dans un saladier pour qui gonfent bien.....
j a pas l impression que chéto dans du rhum, plutot dans l iau ...
quo que quand in in mingeo , au gout yavo d' l alcool d'dins ....
chéto pour mi aprés une préparation que j' pourro qualifier de "dégoutante" ...
à vire m' mère , aller arquerre au bord d' la caffe, le reste du pain d' la semaine qu ale avo gardé dins zin sac plastique ...
chéto du temps qu in acato cor des grands pains, chéto avant qu in acate du "pain coupé" comme on dit .....
ale faijo cauffer du lait, là j do dire que j a les memes gènes que m'mère, sintir du lait caud, cha nous faijo des hauts l' coeur .....
eune fo qui éto un peu arfroidi, ale coupo in tchiots morciaux tout ch' pain dur
et après ale les verso dins ch' lait ...
mi ach' momint là cha m' faijo pinser al' gamelle qui yavo ché vigin d en face, l' gamelle qui éto au coin d' la cuisine à l extérieur ...
un tchiot bol type pyrex, avec ch' lait et du pain d' dins, mais là chéto pour ché cats ....
vinguette in allo minger del bouillie pour ché cats ...bon là ale rajoutto après du beurre, d' zoeufs et du chuque vanillé
et ché corinthes....
cha arsemblo plus à del bouillie qu à aut' cosse ...
après m' mère ale metto ch' plat dins ch' four du fourneau ....
savez commint qu' ch'éto ch' four du fourneau, cha cauffo mais pas toudis al' bonne température
chéto pas qu au temps que m'mère ale savo si chéto cuit, mais à l odeur, et surtout à ché différentes ouvertures del porte du four, avec un torchon pour pas s' bruler ....
là ale plinto ch' coutiau pour vire si chéto bin cuit
le poudingue al' mason, j' l a toudis connu bin cuit au d'sus, d eune couleur bin foncée , presque noire , avec ché corinthes comme des tchiotes iles sul dessus ...
après ch' plat i parto al' caffe, dans l' garde manger, savez ch' tiot meupe in bo , arcouvert d' grillache à poules pour pas qu' ché souris i s in pourlèquent avant nouzautes ...
le poudingue chéto souvint fait par m'mère le vendredi aprés midi
personel'mint , j a toudis préféré le pain perdu au poudingue, euh pardon , au pain d' tchien ...
Salut tertouss!
Amusant que Minloute nous parle du poudingue. M'sœur, al est venue cette semaine et elle m'a parlé de faire du "pudding" bêtôt.
Mi, prof d'inglais un jour, prof d'inglais toudis (Mince! Cha rime pas in patois!), j'y dis "Ah, bon! Te t'mets à l'cuisine rosbif?". "Non", qu'al dit in rigolant! J'te parle ed'pain d'kien!
Car mi, j'ai toudis dit "pain d'kien"! Et ch'est vrai: un tiot peu ragoûtant à faire mais si bon à minger!
M'Maman, flaminde sur les bords aussi, al le faisot tout comme s'Maman à Minloute.
J'in profite: Joyeux Noël et Bonne Année 2019 à Marie-Claire, Minloute et tous les lecteurs d'Histoires de Ch'tis! Joie et surtout santé pour toute l'année!