Les jardinsch' vieux nounours ...
par minloute le, 01/01/2019Chéto l' 31 décempe au soir , en 1968, j éto cor tout tchiot, la télé ale éto alleumée et in avo dro à ché voeux télévisés ......
j' raviso que d un eule, cha m interesso pas, vire sul' télé noir et blanc, avec eune imache plus blanche que noire, un viu monsieur un peu vouté, tout mate qui parlo d' eune vo grave et tout duch'mint.....
m' faijo l effet d un viux nounours ....
ch'éto nin interessant pour un tchiot d' 8 ans au plus....
yavo d la solennité, mais c' qui m étonno l' plus chéto min frère qui comminto tout c' qui dijo, et pas avec des mots forchémint gentils ........
min père i le modèro quand meme, mi j' me d'mindo si in parlo comme cha du président, si i nous voyo pas ou tout au moins qui pourro faire venir al' mason ché gendarmes pour imbarquer min frère ...
cor que mai 68 éto passé, et que j in avo intindu al'mason toudis d'vant ch' poste, et toudis par min frère :"crs ss" ou cor plus choquant à l époque " à poil" .........
i me semblo loin ch' président derriere ch' poste, i éto loin d' mes préocupations de l époque ........
hier au soir chéto la meme chosse, là ch' président i éto bin plus jone, mais ch' est pas pour cha que cha interesso ché tchiotes qui yavo al' mason....
